Pensionet private vullnetare, rritjegjate vitit 2011 Eglantina Nasi

Shqiptaret po e shtojne gjithmone e me teper besimin te skemat e pensioneve private vullnetare. Nje fakt te tille e tregojne shifrat ne rritje te kesaj kategorie te re pensionesh gjate vitit te kaluar. Publikuar permes nje raporti te posacem, nga Autoriteti i Mbikqyrjes Financiare, ato flasin ne teresi per zhvillime pozitive te ketij tregu te posacem pensionesh, i cili vleresohet si relativisht i ri ne vendin tone. Ekspertet e AMF-se konsiderojne se "zhvillim i rendesishem gjate vitit 2011, ne tregun e pensioneve private vullnetare, ka qene licencimi i operatoreve, qe pritet te luajne nje rol te rendesishem ne maturimin e ketij tregu, duke rritur me tej besueshmerine e publikut ne investimin e fondeve ne skemen e pensioneve private vullnetare". Sikunder shtojne se "nje aspekt i rendesishem ne punen e AMF-se, pas hyrjes ne fuqi te Ligjit te ri nr. 10197, date 10.12.2009 'Per fondet e pensionit vullnetar', ka qene plotesimi i metejshem i kuadrit ligjor". Ekspertet pohojne se skema e re e organizimit dhe funksionimit te pensioneve private vullnetare, e sanksionuar ne ligjin e ri, perben nje risi per tregun financiar shqiptar. "Ne janar te vitit 2011, ne treg zhvillonte aktivitetin nje operator i licencuar sipas kerkesave te reja, ndersa gjate vitit u licencuan dhe 2 operatore te tjere", pohojne ata. Ndersa, duke permendur shifra konkrete te zhvillimit te ketij tregu, tregojne se ne fund te vitit 2011, tregu i pensioneve private vullnetare ka treguar nje total te ardhurash nga kontributet prej 177 milione lekesh. Me tej, behet me dije se nga ky total, rreth 44 per qind e tij, paguhet nga anetaret, ndersa pjesa tjeter nga punedhenesit. Ndersa shtohet se "vlera mesatare e kontributit mujor te derdhur ne fondet e pensioneve private vullnetare, gjate ketij viti, ka variuar nga 2,000 leke deri ne 13,600 leke ne varesi te fondit. Gjate vitit 2011, numri i anetareve aktive ose anetareve, qe kane kryer te pakten nje derdhje kontributi, eshte 5,275 nga 6,295 anetare gjithsej, qe jane te regjistruar deri me 31 dhjetor 2011, ne keto fonde", perfundon raporti ne fjale. Tregu i pensioneve private vullnetare ne Shqiperi, shpjegojne ekspertet, lindi si domosdoshmeri e permbushjes se nevojave te qytetareve per te perfituar pagesen e pensionit, ne nje kohe kur ata mund te kene shume vite qe punojne jashte shtetit ne emigracion apo, edhe brenda vendit ne sektorin privat, pa pasur mundesi keshtu qe t'u derdhen kontributet nga punedhenesit.