Cmimet e vajit, nis kontrolli i tregjeve

Ditet e fundit, rritja e cmimeve te shitjes, per produktet ushqimore ne tregjet e vendit, ka vene ne levizje ministrite dhe institucionet e linjes, me qellim parandalimin e rritjeve artificiale te cmimeve si dhe frenimin e tregut informal. Sipas, Atsh-se Ministria e Bujqesise, Ushqimit dhe Mbrojtjes se Konsumatorit, ne bashkepunim me ministrite e linjes, ka ngritur grupin e punes, me qellim monitorimin dhe evidentimin e tregut per cmimet e shitjes se vajit ushqimor ne te gjithe vendin. Ditet e fundit cmimi i shitjes se vajit ushqimor ne vend eshte rritur nga 180 leke/kg ne 240 leke/kg. Sipas eksperteve te bujqesise, cmimet i vendos vete tregu sipas kerkese-ofertes, por grupi i punes do te evidentoje nese kjo rritje cmimi ka baza objektive apo eshte pjese e tregut informal, qe rendon me te padrejte mbi konsumatoret. Ne planin e punes te grupit te inspektoreve, parashikohet te jene dhe kontrollet per sa i perket cilesise, llojit te vajit, peshes, emertimet dhe etiketimet konform ligjit per ushqimet etj. Sipas specialisteve, ky aksion synon t'i vije ne ndihme industrise se prodhimit te vajit ne vend per rritjen e konkurrences se ndershme dhe rritjen e prodhimit vendas. Kjo eshte hera e dyte, pas rritjes se cmimit te bukes, qe institucionet e linjes, organizohen ne shkalle te gjere per marrjen e masave kunder tregut informal dhe rritjes artificiale te cmimit te ushqimeve ne tregjet e vendit.