“Urgjent regjistri dhe kartat e identitetit”

Ambasadori i OSBE-se ne Tirane, Robert Bosch, keshillon qeverine qe te realizoje sa me pare kartat e identitetit per te gjithe shtetasit shqiptare, si pjese e rendesishme per reformen zgjedhore. Aspak i shqetesuar per ngercin e krijuar ne komisionin e posacem per reformen zgjedhore, Bosch u shpreh dje optimist se politika eshte duke bashkepunuar per kete ceshtje. “Reforma ne procesin zgjedhor eshte duke ecur normalisht. Kam degjuar se ka ekzistuar nje atmosfere jo e mire mes partive politike, por nga fillimi i ketij viti situata ka ndryshuar. Partite po bashkepunojne, cka na ben ta shohim me optimizem kete proces”, tha Bosch, pas seminarit te organizuar dje nga prezenca e OSBE-se dhe Ministria e Brendshme per regjistrin e gjendjes civile. Ambasadori vleresoi dhe konsensusin e arritur deri me sot ne reformen ne drejtesi. Ndersa ministri i Brendshem, Bujar Nishani, i pranishem ne seminarin e djeshem, garantoi se, per sa i perket regjistrit te gjendjes civile, ai do te perfundoje brenda muajit korrik te ketij viti. Per kete ceshtje, ambasadori i OSBE-se, Bochs, theksoi se duhet mbajtur parasysh nga forcat politike se modernizimi i gjendjes civile, si dhe ndarja e informacionit eshte celesi qe garanton rezultatin me te mire te ketij procesi. R.R