Cmimi i ilaceve sipas tekave te grosisteve Sonila Isaku

Farmacite pergjate dy diteve te para te ketij muaji, kane shitur medikamentet per pacientet me 10 per qind rritje, mbi cmimin e treguar ne pulle. Por, gjate dites se djeshme pas nje vendimi te nxjerre nga Drejtoria e Pergjithshme e Tatimeve, te gjitha depot farmaceutike kane dhene urdher per terheqje te faturave te shperndara ne daten 1 shkurt, te cilat nuk do te kene rritje. Nderkohe qe kane qene hallexhinjte ata qe kane paguar tekat e grosisteve per rritje te menjehershme te cmimit.
Cmimi
Vendimi per vendosje te TVSH-se se barnave me 10 per qind ne daten 1 shkurt, ka bere qe te gjitha farmacite te abuzojne ne kete pike duke rritur qe diten e pare cmimin e barnave. Keshtu, mbi cmimin qe tregohet ne pulle, pacientet kane paguar edhe 10 per qind me shume per te marre nje medikament. Por menjehere pas ketij abuzimi qe eshte bere, Drejtoria e Tatimeve u ka vendosur kushtet depove farmaceutike duke u kerkuar te mos rrisin cmimet e ilaceve deri ne prerjen e pullave te reja. Kjo ka detyruar grosistet qe te terheqin mbrapsht faturat e rritura fiktivisht. "Nuk do te aplikohet TVSH-ja, per barnat e importuara dhe prodhuara ne vend, te pajisura me pullen e kontrollit me cmimin pa TVSH, qe rezultojne gjendje ne subjektet farmaceutike deri ne daten e hyrjes ne fuqi te Ligjit Nr.10363, date 16.12.2010 (date 31 janar 2011). Nderkohe te gjitha pullat e kontrollit te barnave qe shiten nga data 1 shkurt 2011, do te kene te perfshire TVSH-ne ne cmimin perfundimtar te shitjes", thuhet ne njoftimin per shtyp te Drejtorise se Pergjithshme te Tatimeve. Sipas kesaj te fundit Qendra e Kontrollit te Barnave merr masa qe ne pullen e kontrollit te barnave te evidentohet cmimi perfundimtar me TVSH. Nderkohe qe gjate tremujorit te pare te vitit 2011, cdo person juridik apo fizik, importues apo prodhues i barnave, ne fund te cdo muaji, do te deklaroje stokun ne organin tatimor ku eshte i regjistruar.
Farmacite
Diten e hene ishin depot farmaceutike, qe furnizojne farmacite me medikamente mjekesore, ato qe futen te parat 10% e TVSH-se se ilaceve dhe informuan farmacistet, se duke filluar qe nga data 1 shkurt, ne faturat e tyre do te shtohet edhe TVSH-ja. Ne fakt, kjo situate ka gjetur te papergatitur farmacite ne kryeqytet, te cilet ne diten e pare te aplikimit te kesaj skeme, kane qene teper te paqarte per menyren se si duhet te vepronin. Madje jo vetem kaq, por ata shprehen se nuk i ka njoftuar askush se cfare duhet te bejne ne kete rast dhe se rritjen e ilaceve me 10% ua kane komunikuar depot farmaceutike. "Kemi shitur pa TVSH sot, ndersa furnizimet e reja nga depot jane bere me TVSH. Nuk na kane thene asgje, se si duhet te veprojme, s'na ka ardhur asnje shkrese per te na sqaruar, thjesht e kemi marre vesh nga depot per TVSH-ne. Problemi qendron tek ne, se jemi hallka e fundit dhe na krijohen probleme me pacientet. Per kete arsye kemi shitur ilace pa TVSH dhe nuk dime se si do te vazhdojme", - shprehet nje farmaciste e Spitalit "Nene Tereza" Nderkohe nje tjeter farmaciste prane zones se Berrylit tregon se barnat I ka tregtuar duke rritur cmimin me 10 per qind. "Kjo recete e dhene nga mjeku nese ilacet do te tregtoheshin pa rritje kushton rreth 8 mije lek te vjetra. Kurse me rritjen e cmimit shkon rreth 11 mije", pohon farmacistja. Por ne diten e dyte, pas daljes se urdhrit, kjo rritje nuk eshte aplikuar dhe kane qene pacientet ata qe kane paguar "abuzimin" e grosisteve per rritje te menjehershme te cmimit te ilaceve.

Monitorimi i medikamenteve mjekesore

Barnat aktualisht importohen dhe prodhohen me pulla, te cilat monitorohen nga Qendra e Kontrollit te Barnave nga Ministria e Shendetesise. Ne ndryshimet e fundit, te bera per vendosjen e akcizes, edhe per produkte te reja (per te cilat nuk ishte aplikuar deri tani), vleresohet te jete parashikuar vendosja e pulles fiskale, ne tregtine me shumice te barnave, qe eshte bere edhe shkak per rritjen e cmimit te tyre, megjithese parashikimet e Financave nuk ishin te tilla, te pakten per sa i perket deklaratave publike.

Cfare parashikon vendimi i Tatimeve

1.Nuk do te aplikohet TVSH-ja, per barnat e importuara dhe prodhuara ne vend, te pajisura me pullen e kontrollit me cmimin pa TVSH, qe rezultojne gjendje ne subjektet farmaceutike deri ne daten e hyrjes ne fuqi te ligjit Nr.10363, date 16.12.2010 (date 31 janar 2011).
2. Nderkohe te gjitha pullat e kontrollit te barnave qe shiten nga data 1 shkurt 2011, do te kene te perfshire TVSH-ne ne cmimin perfundimtar te shitjes.
Qendra e Kontrollit te Barnave merr masa qe ne pullen e kontrollit te barnave te evidentohet cmimi perfundimtar me TVSH.
3. Gjate tremujorit te pare te vitit 2011, cdo person juridik apo fizik, importues apo prodhues i barnave, ne fund te cdo muaji, do te deklaroje stokun ne organin tatimor ku eshte i regjistruar.