Coutinho s’ka frikë nga Cassano

Philippe Coutinho është i bindur se do të jetë në gjendje të demonstrojë kualitetet e tij në Inter, pavarësisht ardhjes së Antonio Cassanos.

Reprezentuesi italian iu bashkua Nerazzurrëve nga rivali i qytetit Milan dhe ishte titullar në fitoren 3-0 ndaj Pescaras në kuadër të xhiros së parë në Serie A. Kurse, Coutinho u inkuadrua si rezervist dhe realizoi gol.

“Jam i qetë, Cassano ka ardhur dhe jam i lumtur për të. Ai është futbollist i mirë. Personalisht mundohem të kryej punën time dhe të jap gjithçka në fushë. Shpresoj të vazhdoj të përmirësohem dhe mësoj gjatë gjithë kohës”, deklaroi Coutinho për Gazzetta dello Sport.