Daçiç: Nuk po e pengojmë ne formimin e qeverisë

Lideri i socialistëve në Serbi, Ivica Daçiç, ka thënë se partia e tij nuk po pengon formimin e qeverisë, por është duke pritur Partinë Demokratike (DS) të Boris Tadiçit të propozojë të mandatarin e saj.

“Nuk duam të hyjmë në çështje të brendshme të partive të tjera dhe presim që DS, si partia më e madhe, të propozojë të mandatarin”, ka thënë Daçiqç për të përditshmen beogradase “Blic”.

Ai ka pohuar gjithashtu se bisedimet me DS-në do të vazhdojnë, por ka shtuar se deri më tani nuk ka asnjë marrëveshje.

"DS-ja si partia më e madhe ofron emrin e kryeministrit dhe ne jemi në pritje të këtij vendimi. Aktualisht jemi duke pritur. Nga bisedimet e mia të deritashme me Boris Tadiçin, konkludoj se ai ende nuk e ka marrë një vendim të tillë”, ka thënë Daçiç, duke shtuar se Serbia është larg formimit të qeverisë, por se për këtë nuk kanë faj socialistët.