Dasite e ortodokseve, hidhen dy kryqe
Dy kryqe jane hedhur ne uje ne qytetin e Elbasanit me rastin e festes se ujit te bekuar, ne dallim nga cdo qytet tjeter i Shqiperise. Kryqi i pare u hodh ne pishinat e kompleksit turistik "Ajek" nga prifterinjte e kishave ortodokse te Shen Kollit dhe Shen Thanasit, qe perfaqesojne Kishen Ortodokse Autoqefale Shqiptare. Ndersa kryqi tjeter u hodh ne uje nga at Nikoll Marku, prift i kishes Shen Maria ne Elbasan, perfaqesues i Kishes Ortodokse Autoqefale Kombetare Shqiptare, i njohur per divergjencat me Janullatosin. Ne te dy ceremonite kane marre pjese qindra besimtare. Per shkak te divergjencave mes dy rrymave te se njejtes fe, prej disa vitesh besimtaret ortodokse te Elbasanit i festojne festat te ndare me njeri-tjetrin. Besniket e at Nikoll Markut, qe jane kryesisht qytetare ortodokse me banim ne lagjen Kala, mblidhen gjithmone ne kishen Shen Maria te kesaj lagjeje. Ndersa besimtaret e pjeses tjeter te qytetit mblidhen ne kishen e Shen Kollit. Me gjithe polemikat e ashpra mes at Markut dhe kishes ortodokse autoqefale, asnjehere nuk jane regjistruar incidente mes besimtareve. Per te dytin vit me radhe, kryqi i hedhur ne pishinat e kompleksit "Ajek" eshte gjetur nga i riu Julian Luli, 22 vjec. Ai eshte pergezuar nga mjaft besimtare qe kane nxituar te puthin kryqin qe ju sjell fat. Julian Luli ka perfituar edhe 6000 leke te reja shperblim nga 10.000 leke qe fitoi vitin e kaluar. Ai u shpreh se kryqi i ka sjelle fat vitin qe shkoi dhe sivjet serish i eshte shfaqur ne enderr kapja e tij. Per kete arsye ai shprehet se ka besim te patundur ne Zot. Me pas jane zhvilluar ceremonite fetare dhe besimtaret kane mbushur enet me ujin e bekuar, i cili do t'ju sjelle fat.
F. Salliu