Debat i tensionuar në Këshillin e Sigurimit mbi Gjeorgjinë
Autori i Lajmit: red.
Gjatë diskutimeve të tensionuara në Këshillin e Sigurimit të Kombeve të Bashkuara, Rusia dhe Shtetet e Bashkuara kanë akuzuar njëra-tjetrën mbi qasjen agresive të Moskës në operacionet e saj ushtarake në Osetinë Jugore dhe bombardimet në Gjeorgji. Ambasadori amerikan në Kombet e Bashkuara, Zalmai Khalilzad i ka tërhequr vërejtjen Rusisë se vazhdimësia e sulmeve kundër shtetit sovran të Gjeorgjisë do të ndërlikojë marrëdhëniet midis Uashingtonit dhe Moskës. “I bëj thirrje Federatës Ruse që me kujdes të marrë në konsideratë pasojat e këtij agresioni kundër shtetit demokratik dhe sovran të Gjeorgjisë. Marrëdhëniet e Rusisë me Shtetet e Bashkuara dhe komunitetin ndërkombëtar mund të ndikohen nga ky sulm i vazhdueshëm kundër Gjeorgjisë dhe nga refuzimi i Moskës që të kontribuojë në zgjidhjen paqësore të krizës”, - ka thënë zoti Khalilzad. Duke i komentuar veprimet e Rusisë në Gjeorgji, ambasadori amerikan ka shfrytëzuar një fjalor më të ashpër se në tre takimet e kaluara mbi këtë çështje.
”Ne duhet ta dënojmë sulmin ushtarak të Rusisë kundër një shteti sovran siç është Gjeorgjia, shkeljen e sovranitetit dhe tërësisë territoriale të një shteti, përfshirë këtu edhe sulmet kundër civilëve dhe fushatën e terrorit kundër popullatës gjeorgjiane. Njëkohësisht, duhet të dënojmë edhe shkatërrimin e infrastrukturës gjeorgjiane”, - ka thënë ambasadori Khalilzad.
Komentet e tij e kanë zemëruar homologun e tij rus, Vitali Çurkin, i cili është kundërpërgjigjur duke thënë që akuzat se Rusia po terrorizon popullatën civile janë tërësisht të papranueshme. "Tani, më lejoni të them diçka për deklaratën e zotit Khalilzad rreth të ashtuquajturit terror kundër popullatës civile. Një deklaratë e këtillë, i nderuari zoti Khalilzad, është absolutisht e papranueshme, mbi të gjitha, kur vjen nga një përfaqësues i një vendi, veprimet e të cilit në raport me popullatën civile në Irak, Afganistan e madje edhe në Serbi, janë të njohura mirë”, - ka thënë zoti Çurkin. Ai madje ka pasur një kriticizëm edhe më të ashpër kundër homologut të tij gjeorgjian, Irakli Alasania, i cili e ka akuzuar ushtrinë ruse për një fushatë përmasash të gjera të bombardimeve në Gjeorgji.
"I hedh poshtë kategorikisht supozimet se jemi duke zhvilluar operacione të përmasave të gjera. Zoti Alasania ka shkuar aq larg sa të marrë për bazë një deklaratë të një robi lufte të Rusisë, një pilot, i cili gjatë marrjes në pyetje ka thënë se është udhëzuar që të qëllojë gjithandej.
Ky lajm është publikuar: 12/08/2008
Gjatë diskutimeve të tensionuara në Këshillin e Sigurimit të Kombeve të Bashkuara, Rusia dhe Shtetet e Bashkuara kanë akuzuar njëra-tjetrën mbi qasjen agresive të Moskës në operacionet e saj ushtarake në Osetinë Jugore dhe bombardimet në Gjeorgji. Ambasadori amerikan në Kombet e Bashkuara, Zalmai Khalilzad i ka tërhequr vërejtjen Rusisë se vazhdimësia e sulmeve kundër shtetit sovran të Gjeorgjisë do të ndërlikojë marrëdhëniet midis Uashingtonit dhe Moskës. “I bëj thirrje Federatës Ruse që me kujdes të marrë në konsideratë pasojat e këtij agresioni kundër shtetit demokratik dhe sovran të Gjeorgjisë. Marrëdhëniet e Rusisë me Shtetet e Bashkuara dhe komunitetin ndërkombëtar mund të ndikohen nga ky sulm i vazhdueshëm kundër Gjeorgjisë dhe nga refuzimi i Moskës që të kontribuojë në zgjidhjen paqësore të krizës”, - ka thënë zoti Khalilzad. Duke i komentuar veprimet e Rusisë në Gjeorgji, ambasadori amerikan ka shfrytëzuar një fjalor më të ashpër se në tre takimet e kaluara mbi këtë çështje.
”Ne duhet ta dënojmë sulmin ushtarak të Rusisë kundër një shteti sovran siç është Gjeorgjia, shkeljen e sovranitetit dhe tërësisë territoriale të një shteti, përfshirë këtu edhe sulmet kundër civilëve dhe fushatën e terrorit kundër popullatës gjeorgjiane. Njëkohësisht, duhet të dënojmë edhe shkatërrimin e infrastrukturës gjeorgjiane”, - ka thënë ambasadori Khalilzad.
Komentet e tij e kanë zemëruar homologun e tij rus, Vitali Çurkin, i cili është kundërpërgjigjur duke thënë që akuzat se Rusia po terrorizon popullatën civile janë tërësisht të papranueshme. "Tani, më lejoni të them diçka për deklaratën e zotit Khalilzad rreth të ashtuquajturit terror kundër popullatës civile. Një deklaratë e këtillë, i nderuari zoti Khalilzad, është absolutisht e papranueshme, mbi të gjitha, kur vjen nga një përfaqësues i një vendi, veprimet e të cilit në raport me popullatën civile në Irak, Afganistan e madje edhe në Serbi, janë të njohura mirë”, - ka thënë zoti Çurkin. Ai madje ka pasur një kriticizëm edhe më të ashpër kundër homologut të tij gjeorgjian, Irakli Alasania, i cili e ka akuzuar ushtrinë ruse për një fushatë përmasash të gjera të bombardimeve në Gjeorgji.
"I hedh poshtë kategorikisht supozimet se jemi duke zhvilluar operacione të përmasave të gjera. Zoti Alasania ka shkuar aq larg sa të marrë për bazë një deklaratë të një robi lufte të Rusisë, një pilot, i cili gjatë marrjes në pyetje ka thënë se është udhëzuar që të qëllojë gjithandej.
Ky lajm është publikuar: 12/08/2008