Debitoret ne Tatim-Taksa, bllokohen llogarite bankare
Mospagesa e takses se pastrim-gjelberimit nga nje numer subjektesh te biznesit te madh ka detyruar bashkine te ndeshkoje ligjerisht firmat debitore deri ne nderhyrjet qe kerkojne bllokimin e llogarive te tyre bankare. Mesohet se rreth 80 subjekte te biznesit te madh ne qytetin e Fierit nuk kane paguar detyrimet ne degen e tatim-taksave te bashkise. Sipas drejtuesit te Departamentit te Tatim-Taksave prane bashkise, Fadil Tare, per 60 nga keto subjekte eshte marre masa e bllokimit te llogarive bankare. Sipas tij, e njejta procedure do te ndiqet edhe per subjektet e tjera deri ne detyrimin e tyre per te shlyer debite tatimore. Gjithashtu, drejtori Tare tha se per 80 subjekte, te cilat kane aktivitet dhe kane dorezuar bilancet ne Degen e Tatim-Taksave te rrethit, ne kuadrin e bashkepunimit institucional, u kemi kerkuar ketyre te fundit t’i ndeshkojne keto subjekte ne menyre ligjore, duke u bllokuar pranimin e bilancit. Ne Bashkine e Fierit ushtrojne aktivitetin rreth 487 subjekte te biznesit te madh dhe, sipas kreut te Departamentit te Tatim-Taksave prane bashkise, te gjitha keto subjekte do te detyrohen me te gjitha masat ligjore, qe deri ne fund te vitit te shlyejne te gjitha detyrimet tatimore qe kane ndaj zyres se Tatim Taksave te Bashkise se Fierit. Xh. Beharaj