Emigrimi i “trurit”, si mund te parandalohet
Drejtuesit e Fakultetit Ekonomik te Universitetit “Luigj Gurakuqi” te qytetit te Shkodres kane organizuar dje nje work shop, ku jane diskutuar shkaqet e largimit te intelektualeve jashte vendit, si dhe puna qe duhet bere per te sensibilizuar studentet, pedagoget dhe intelektualet ne pergjithesi per te qendruar dhe dhene kontributin ne vendin e tyre. Gjate diskutimit te saj, dekania e Fakultetit Ekonomik, Sadije Bushati, vuri ne dukje se pas vitit 1990 nga Shkodra jane larguar nje numer i konsiderueshem intelektualesh, prej te cileve 9 ishin pedagoge mjaft te pergatitur. Nderkohe, drejtuesit e Qendres se Zhvillimit Ekonomik ne Shqiperi, te pranishem ne takim, theksuan se arsyet e largimit te studenteve, pedagogeve dhe intelektualeve nga vendi yne, pas viteve ‘90-te kane qene kriza ekonomike, diferenca me nivelet e uleta te pagave dhe jeteses ne vendin tone ne krahasim me vendet evropiane te Perendimit dhe pertej Atlantikut. Ne lidhje me emigrimin e trurit nga vendi yne, pedagogia e Universitetit te Shkodres, njekohesisht nenkryetarja e Keshillit Bashkiak, Esmeralda Uruci, theksoi se “Ne morine e dukurive te reja pas vitit 90-te u vu re dhe emigrimi i intelektualeve nga shkollat e larta dhe institucionet e tjera. Kjo ndodhi, pasi intelektualet u perballen me situata krejt te reja ekonomike e sociale pas renies se sistemit totalitar”. Ne takimin, ku pervec pedagogeve merrnin pjese dhe studente te vitit te katert, u theksua se te gjithe se bashku duhet te punonin per te parandaluar largimin e studenteve dhe intelektualeve nga vendi yne, plage kjo qe vazhdon te jete ende aktuale.
Rudina Llazari