Dëbora rikthen problemet në veri

Rikthimi i reshjeve të dëborës ka izoluar disa fshatra ndërsa po krijon vështirësi në lëvizjen e njerëzve dhe mjeteve në veri të vendit.
Probleme më të theksuara po hasen në qarkun Dibrës, ku trashësia e dëborës në disa zona të thella arrin mbi 30 centimetra.
Gazetari jonë atje njofton se të bllokuara janë komunat Lurë, Kalaja e Dodës, Ostren dhe Selishtë.
Probleme shënohen edhe në Zerqan dhe Krastë.
Ndërkaq, reshje po krijojnë vështirësi edhe ne rrethet e Tropojës, Pukës dhe Kukësit.