Debore e dendur ne Kukes, 9 borepastruese ne terren
KUKES- Reshjet e debores dhe te shiut po vazhdojne pa nderprerje ne Qarkun e Kukesit, duke e bere situaten kritike per prurjet ne Fierze. Prej disa ditesh, ne lartesite mbi 500 metra, bie debore e panderprere dhe trashesia ka arritur deri ne gjysme metri. Reshje bore ka pasur edhe ne zonat malore te Qarkut Diber, ne rrethet Puke dhe Librazhd, ndersa dukuria e rreshkitjeve nuk njeh te ndalur. Reshjet po shoqerohen edhe me erera te forta, gje qe kane shkaktuar demtime te rrjetit elektrik qe furnizon banoret e fshatit Dragobi ne rrethin e Tropojes dhe te Pusit te Thate te rrethit te Hasit. Punonjesit e ndermarrjes rajonale te Mirembajtjes se Rrugeve po punojne per mbajtjen hapur te akseve kryesore rrugore. Mesohet nga autoritetet vendore se akset rrugore Morine-Kukes-Qafe Shllak, Kukes-Shishtavec, Kukes-Bushtrice dhe Kukes-Krume mbahen nen kontroll dhe qarkullohet me zinxhire. Kurse ne Krume-Qafe Prush dhe Qafe Morine-Bajram Curri-Fierze, perdorimi i zinxhireve eshte i domosdoshem. Ne kete qark mesohet se jane angazhuar 9 borepastruese e mjete te tjera te renda. Reshje debore bien kryesisht ne komunat Zapod, Arrni, Lekbibaj dhe Margegaj. Kurse ne qarqet Elbasan dhe Diber mesohet se rruget kryesore jane te kalueshme dhe vetem ne ato rurale, per shkak te disa rreshkitjeve, ka demtime te pjesshme.
Problemet
Situata mbetet problematike ne Qarkun e Kukesit ku ka renie te debores dhe shiut, ndersa me e qete eshte gjendja ne qarqe si Shkodra, ku uji vazhdon terheqjen nga siperfaqet e permbytura, Elbasani, Korca apo dhe Dibra. Nuk ka rruge te bllokuara teresisht, por jane te kalueshme me zinxhire.