Dekretet, Moisiu dhe Meidani në krah të Topit
Dy ish-presidentët, Rexhep Meidani dhe Alfred Moisiu, kanë mbështetur pasardhësin e tyre, Bamir Topi, në lidhje me dekretet për 5 anëtarët e Gjykatës së Lartë, të bllokuara nga Parlamenti.
Sipas Alfred Moisiut, situata në të cilën ndodhet ky proces nuk është aspak normale. "Nuk më duket absolutisht normale. Këtu kryetarja e Parlamentit po i atribuon vetes disa kompetenca, të cilat nuk ia jep as Kushtetuta, as ligji. Dekretet e Presidentit janë dekretet e kryetarit të shtetit dhe, pavarësisht se jemi republikë parlamentare, nga Parlamenti rrjedhin të gjitha institucionet kryesore të shtetit, duke filluar nga presidenti", tha Moisiu. Sipas tij, dekretet e presidentit nuk mund të sorollaten siç po ndodh tani. Paraardhësi i Bamir Topit sjell sërish në vëmendje një rast analog gjatë kohës që ishte në krye të shtetit. "Më vjen keq ta them që një dekret i imi i vitit 2005, ku është emëruar si anëtare e Gjykatës së Lartë, gjyqtarja Gjinovefa Gaba, akoma nuk ka marrë përgjigje nga Parlamenti dhe kjo është përgjegjësi e gjithë politikës shqiptare jo vetëm maxhorancës, por dhe opozita, e cila e ka ditur këtë gjë dhe ka ngelur në heshtje, ose ka hedhur ndonjë fishekzjarr në të rrallë", u shpreh Moisiu. Ndërsa ish-presidenti Rexhep Meidani kërkoi dje një bashkërendim mes institucioneve. "Unë do të thosha që gjithnjë është e nevojshme një bashkërendim institucionesh, në këtë rast unë nuk e kuptoj ku qëndron thelbi i problemit. Me sa kam parë unë nga mediat, kandidaturat janë tepër serioze", tha Meidani.
Sipas Alfred Moisiut, situata në të cilën ndodhet ky proces nuk është aspak normale. "Nuk më duket absolutisht normale. Këtu kryetarja e Parlamentit po i atribuon vetes disa kompetenca, të cilat nuk ia jep as Kushtetuta, as ligji. Dekretet e Presidentit janë dekretet e kryetarit të shtetit dhe, pavarësisht se jemi republikë parlamentare, nga Parlamenti rrjedhin të gjitha institucionet kryesore të shtetit, duke filluar nga presidenti", tha Moisiu. Sipas tij, dekretet e presidentit nuk mund të sorollaten siç po ndodh tani. Paraardhësi i Bamir Topit sjell sërish në vëmendje një rast analog gjatë kohës që ishte në krye të shtetit. "Më vjen keq ta them që një dekret i imi i vitit 2005, ku është emëruar si anëtare e Gjykatës së Lartë, gjyqtarja Gjinovefa Gaba, akoma nuk ka marrë përgjigje nga Parlamenti dhe kjo është përgjegjësi e gjithë politikës shqiptare jo vetëm maxhorancës, por dhe opozita, e cila e ka ditur këtë gjë dhe ka ngelur në heshtje, ose ka hedhur ndonjë fishekzjarr në të rrallë", u shpreh Moisiu. Ndërsa ish-presidenti Rexhep Meidani kërkoi dje një bashkërendim mes institucioneve. "Unë do të thosha që gjithnjë është e nevojshme një bashkërendim institucionesh, në këtë rast unë nuk e kuptoj ku qëndron thelbi i problemit. Me sa kam parë unë nga mediat, kandidaturat janë tepër serioze", tha Meidani.