Dekreti, ministrat e qeverise "Berisha" ne pritje te Topit

Kabineti i ri qeveritar, pritet te votohet kete jave ne Kuvend. Sipas procedures parlamentare dhe ligjore, te 15 ministrat e propozuar nga Kryeministri Sali Berisha si dhe ky i fundit, do te votohen ne seance plenare. Me marrjen e votave te nevojshme ne Kuvend, kabineti i ri qeveritar betohet para Presidentit te Republikes, Bamir Topi dhe me pas nis zyrtarisht punen. Kreu i shtetit, ende nuk ka dhene firmen e tij aprovuese per 15 ministrat qe propozoi dite me pare kryeministri Berisha. Kreu i shtetit, ne baze te Kushtetutes se vendit, ka shtate dite kohe per te menduar, shqyrtuar dhe vleresuar kandidaturat e propozuara per ministra, per t'ia dorezuar me pas Kuvendit per votim. Ndryshe nga Kryeministri Sali Berisha, emer te cilin Presidenti e dekretoi menjehere sapo iu dorezua propozimi, kreu i shtetit duket se po reflekton me gjate per dhenien e firmes per 15 ministrat e propozuar nga Berisha. Nese Presidenti do te firmose diten e hene, atehere ministrat e rinj do te votohen ne seancen plenare te se henes, e cila zhvillohet pasdite.