"Rezultati pozitiv ne lokale konfirmon koalicionin tone"

Levizja Socialiste per Integrim, tashme pjese e qeverise, do te nise shume shpejt, analizen per rezultatin qe pati ne zgjedhjet parlamentare te 28 Qershorit dhe testim per zgjedhjet vendore 2011. Ne mbledhjen e djeshme te kryesise se kesaj force politike, u vendos qe te analizohet situata ne cdo rreth te vendit. Sipas kreut te LSI-se, Ilir Meta do te vijoje puna per forcimin dhe rritjen e strukturave te partise ne te gjithe vendin dhe do te zhvillohet nje analize ne cdo cep te vendit, ne te gjitha njesite vendore per riorganizimin e strukturave. Ne kete mbledhje, Meta falenderoi kontributin e te gjithe anetareve dhe simpatizanteve te LSI-se, te dhene deri tani si dhe ftoi te gjithe qe te angazhohen ne stadin e ri qe ka hyre politika shqiptare, por edhe vete LSI-ja. Angazhim qe sipas Metes, eshte i nevojshem jo vetem per ridimensionimin e kesaj force politike si nje force qeverisese dhe e perkushtuar per reformat qe i duhen vendit per te garantuar stabilitet, qendrueshmeri, progres, dhe realizim te standardeve evropiane gjate ketyre kater viteve. Meta kerkoi gjithashtu mbeshtetje te vijueshme per te vazhduar punen me rritjen e strukturave te LSI-se ne te gjithe territorin e vendit. Analiza do te zhvillohet jo vetem per rezultatin e zgjedhjeve parlamentare te 28 Qershorit, por edhe zgjedhjet e tjera ne prag per pushtetin lokal, qe do te zhvillohen ne vitin 2011.