Fushata paralele, cahet PS e Fierit

Fushata paralele e kryetarit ne detyre te Partise Socialiste Edi Rama, per postin e kryetarit dhe e Levizjes per Mendim Ndryshe, brenda socialisteve, te kryesuar nga Ben Blushi ka shenuar dhe krisjen e pare. Ka qene qyteti i Fierit, nje nder bastionet kryesore te Partise Socialiste, por dhe "hambari" i votave per te majten shqiptare, ai qe ka dhene dhe sinjalin e pare te kesaj krisjeje, e cila pritet te marre permasa akoma me te medha ne diten ne vijim, teksa pritet qe te intensifikohet kjo fushate, me zbritjen e personave "big", ne takimet me bazen socialiste. Keshtu, mendimi ndryshe ka nisur dhe ne bazen e Partise Socialiste te Fierit, teksa perplasja ka ndodhur per arsyen e thjeshte, se nje pjese e asamblese se kesaj dege ka kerkuar qe te prese me te njejtin preokupim edhe dy kandidatet per kryetar partie, Rama dhe Lakrori, por dhe perfaqesuesit e mendimit ndryshe, te kryesuar nga Blushi. Kjo dukuri eshte shfaqur, dukshem ne mbledhjen e asamblese se kesaj dege, e cila zhvilloi punimet dy dite me pare, me dyer te mbyllura. Sipas burimeve brenda kesaj mbledhjeje te asamblese se deges se PS ne Fier, mesohet se ne kete takim, kane marre pjese Gramoz Ruci, si kryetar i grupit te punes se kesaj partie, per qarkun Fier si dhe deputetet e porsa zgjedhur, Armando Subashi, Ervin Koci, Albert Caci, Piro Lutaj, etj. Ne kete takim te zhvilluar eshte kerkuar nga kryesia e kesaj dege qe baza e PS-se Fier duhet te mbeshtese fuqishem kandidatin per kreun e PS-se, Edi Rama dhe te marre pjese ne debatin dhe ballafaqimin zgjedhor mes tij dhe kandidatit tjeter Maqo Lakrori. Njeheresh mesohet se eshte kerkuar qe te menjanohet pjesemarrja ne takime e anetaresise se PS me perfaqesuesit e mendimit ndryshe ne PS, perkatesisht Ben Blushi dhe Arben Malaj, nese ata vijne per takime ne Fier. Njeheresh eshte kerkuar qe te mos jepet asnje lloj mbeshtetje per keta perfaqesues, te cilet, sipas tyre, duhet t'i binden vendimit politik te partise per te gjitha ceshtjet qe preokupojne socialistet dhe per te cilat kane marre vendime te qarta forumet drejtuese te kesaj partier. Gjate diskutimit te kesaj teme, ka pasur edhe mendim ndryshe pasi disa pjesetare te asamblese se PS-se, qe ishin pjesemarres ne kete mbledhje, te cilet kane kundershtuar, duke i thene kryesise qe drejtonte mbledhjen se "ata jane te PS-se. Ne duhet t'i takojme kur te vijne ne Fier dhe t'i degjojme, por nuk duhet qe te mbeshtesim idene e mendimet e tyre". Kjo ide e tyre eshte "mbytur" nga anetaret e tjere, qe ishin pjesemarres ne kete mbledhje, duke u thene prere se askush prej jush nuk duhet as t'i takoje dhe as t'i shoqeroje. Xhemil Beharaj