Demonstruesit paralizojnë komunikacionin hekurudhor në Bangkok

Në kryeqytetin tajlandez ithtarët e opozitës kanë paralizuar sistemin e transportit me tramvaj. Ata kanë hyrë me dhunë në një stacion treni në qendër të Bangkokut dhe kanë bllokuar platformat e stacionit hekurudhor. Mijëra demonstrues kanë rrethuar për disa javë disa zona në qendër të qytetit. Kundërshtarët e qeverisë kërkojnë dorëheqjen e kryeministrit Abhisit Vejjajiva dhe zgjedhje të reja parlamentare. Për shkak të trazirave në Tajlandë, Ministria e Jashtme në Berlin ka paralajmëruar udhëtarët e saj për në vendin aziatikojuglindor që të kenë kujdes. Megjithatë raportohet se aeroporti ndërkombëtar në këtë vend, aktualisht nuk është i cënuar. Situata e tensionuar në Tailandë vijon prej javësh, ndërsa vetëm një ditë më parë, dhjetëra njerëz mbetën të plagosur, si pasojë e shpërthimit të një bombe të hedhur në banesësn e ish-kryeministrit tajlandez në Bankok. "Këmishat e kuqe" janë kryesisht mbështetës nga zonat rurale të ish kryeministrit në mërgim, Taksin Shinautra, dhe aktivistë pro demokracisë që ishin kundër grushtit ushtarak të shtetit në vitin 2006.