Dëmtimi, përfundon sezoni i brazilianit Ronaldinjo

Sezoni i Ronaldinjos te Barcelona është mbyllur përpara kohe. Braziliani, që aktivizohet prej pesë vjetësh te skuadra katalane, është dëmtuar në këmbën e djathtë dhe do të qëndrojë jashtë fushave të paktën për gjashtë javë. Ky dëmtim vjen në një moment të zi për mesfushorin, i cili për shumë kohë është lënë jashtë skuadrës nga trajneri Frenk Rajkard. Edhe më parë gjatë këtij kampionati ai kishte qëndruar pesë javë pa luajtur prej të njëjtit dëmtim.