Dënim përjetë për Qamil Rexhën

Prokuroria e Apelit për Krime
të Rënda kërkoi dënimin
me burgim të përjetshëm për
njërin nga dy vëllezërit Rexha,
të akuzuar për rrëmbimin dhe
vrasjen e mjekut Behar Kastrati
në korrik të vitit 2005 në
Krumë. Kërkesa është bërë në
Gjykatën e Apelit për Krime të
Rënda nga përfaqësuesi i
Prokurorisë së Apelit, e cila
shpalli kështu konkluzionet
përfundimtare për çështjen.
Prokuroria kërkoi dënimin me
burg për jetë për Qamil Rexhën,
si dhe dënimin me nga 25
vjet burg për dy të pandehurit
e tjerë të procesit, vëllain e Qamilit,
Abedin Rexha, dhe Ibrahim
Geca. Këta persona janë
dënuar kohë më parë nga
Gjykata e Shkallës së Parë,
ndërsa çështja në ngarkim të
tyre tashmë po shqyrtohet në
Gjykatën e Apelit për Krime të
Rënda. Të pandehurit akuzohen
si autorë në rrëmbimin
dhe më pas vrasjen e mjekut
Behar Kastrati në korrik 2005
në Krumë. Sipas prokurorisë,
ngjarja ka për motive hakmarrjen
ndaj mjekut Kastrati pas
vdekjes në spitalin e Krumës së
njërit prej vëllezërve të Qemal
dhe Abedin Rexhës, ditën kur
mjek roje ishte Behar Kastrati.