Deputetët e majtë marrin direktivat për komisionin

Anetaret e Komisionit te Ligjeve zhvilluan mbledhje ne ambientet e Kuvendit pas Konferences se Kryetareve

Pas perfundimit te Konferences se Kryetareve, anetaret e Komisionit te Ligjeve te Partise Socialiste zhvilluan nje mbledhje ne zyren e Grupit Parlamentar per te marre direktivat per shqyrtimin e ngritjes se komisionit hetimor.

Ne mbledhje, ne te cilen mori pjese edhe Sekretari per Çeshtjet Ligjore ne PS, Fatmir Xhafaj, deputetet e majte u njohen me vendimin qe u mor ne Konference dhe se ku duhet te perqendrohen ne mbledhjen e sotme ne Komisionin e Ligjeve.

Mesohet se sot palet do te ndjekim me vemendje pretendimet e mazhorances dhe se nuk do te terhiqen nga pikat e tyre qe jane parashtruar ne kerkese. Deputetet e majte nuk do te pranojne asnje ndryshim nga kerkesa e tyre fillestare, siç eshte edhe objekti i hetimit.

Nga ana e tyre, edhe demokratet kane perpiluar nje sere pretendimesh, ku nje prej pikave eshte edhe objekti i hetimit qe, sipas socialisteve, jane materialet zgjedhore duke hequr dore nga fletet e votimit.

"Projektvendimi ka parashikuar se hetimi i ketij komisioni do te bazohet ne shqyrtimin e te gjithe dokumentacionit zgjedhor (perjashto fletet e votimit) qe perfshihen ne kutite e materialeve zgjedhore, te cilat ngarkohet KQZ t'i ruaje dhe t'i vendose ne dispozicion te Komisionit Hetimor te Kuvendit ne kohen, vendin dhe menyren e percaktuar prej vet Komisionit Hetimor te Kuvendit", - thuhet ne kerkesen e grupit Socialist qe eshte dorezuar ne Kuvend, e cila shoqeron edhe projektvendimin e opozites per ngritjen e Komisionit Hetimor per transparencen e zgjedhjeve te pergjithshme parlamentare.