Deputetet greviste propozojne komision civil
Ne kete dokument kerkohet gjetja e nje zgjidhjeje per çeshtjen e administrimit te zgjedhjeve dhe perfaqesimit me komisionere. Dokumenti i eshte nisur Presidentit Bamir Topi, Kryeparlamentares Jozefina Topalli, Kryeministrit Sali Berisha, liderit te opozites, Edi Rama dhe tre ambasadoreve kryesore te SHBA, OSBE dhe KE.
Firmetaret konstatojne se zgjedhjet e vitit 2009 jane sfida kryesore qe ka Shqiperia ne rrugen e saj drejt integrimit te plote ne Bashkimin Evropian dhe NATO. "Reforma zgjedhore dhe Kodi i ri Zgjedhor, i dale si produkt i bashkepunimit te ngushte midis Partise Demokratike dhe Partise Socialiste, sjellin pengesa serioze ne zhvillimin e demokracise ne vend, dhe realizimin e standardeve te kerkuara per te realizuar zgjedhje te lira dhe te ndershme ne Shqiperi", shkruhet ne leter.
Kodi i ri Zgjedhor vleresohet se shenon hapa te rrezikshem mbrapa ne standardet e administrimit te zgjedhjeve. "Per here te pare ne historine e Shqiperise demokratike, komisionet e administrimit te zgjedhjeve monopolizohen nga dy parti politike, dhe ndertohen mbi kriteret e mbylljes dhe perjashtimit", nenvizojne grevistet. Sipas tyre, kjo "reforme" i siguron kontrollin e gjithe procesit te administrimit te zgjedhjeve vetem dy forcave politike, te cilat mbeten pergjegjeset e deformimit te gjitha zgjedhjeve ne Shqiperi.
Te vegjlit thone se kodi i propozuar perben nje shkelje flagrante te Dokumentit te Kopenhagenit mbi Dimensionin Human dhe Rregullat e Konkurrimit Politik. Neni 7.6, i ketij dokumenti, i garanton te drejten individeve apo partive politike per te konkurruar ne baze te nje trajtimi te barabarte perpara ligjit dhe autoriteteve. "Qendrimi i OSBE dhe ODIHR, te cilet kane monitoruar zgjedhjet e kaluara ne Shqiperi, ka qene shume i qarte, per sa u perket procesit te administrimit te zgjedhjeve dhe perberjes se komisioneve zgjedhore", thone deputetet greviste.
Duke shprehur shqetesim se PS-PD po marrin kontrollin absolut te administrimit te zgjedhjeve, sepse 100% e perberjes se komisioneve zgjedhore miratohet vetem prej tyre: 5 anetare i marrin drejtperdrejt dhe 2 te tjeret indirekt. "Ky standard do detyroje popullin shqiptar te bojkotoje zgjedhjet e ardhshme dhe te humb besimin te vota e lire", theksojne deputetet. Ne, deputetet greviste, nuk jemi futur ne kete greve per interesat tona personale, apo per te garantuar nga nje komisioner per partite tona. "Ju propozojme qe te bejme nje depolitizim te plote te gjithe komisioneve te administrimit te zgjedhjeve, duke zgjedhur gjithe anetaret e tyre nga shoqeria dhe administrata civile, jo anetar te forcave te ndryshme politike", shkruhet ne leter.
Ne kete menyre mendohet se te gjitha partite behen te barabarta para ligjit, pasi perberja politike e administrates zgjedhore kur mbetet si opsion nuk eshte aspak ceshtje teknike. Ne pamundesi per kete, grevistet propozojne t‘u jepet mundesi te gjitha partive parlamentare apo grupimeve te tyre ne koalicione zgjedhore te perfaqesohen ne menyre te barabarte ne komisionet e administrimit te votave dhe zgjedhjeve.
"Ne propozojme qe shteti mos te marre persiper pagesen per keta komisionere, por partite te gjejne vullnetare per t‘i perfaqesuar ato pa shperblim", perfundon letra.