Dermatologët, literaturë pak, por punë shumë

"Falë mundësive të komunikimit që Shqipëria ka, sot na mundësohet të jemi gjithnjë e më afër kërkesave të pacientëve", tha dje ministri i Shëndetësisë, Petrit Vasali, gjatë Konferencës së Dermatologjisë. Sipas tij, është për t‘u vlerësuar roli ndër vite i dermatologëve shqiptarë, të cilët, pavarësisht izolimit dhe mundësive të pakta për literaturë, kanë provuar se dinë të punojnë shumë mirë dhe të çrrënjosin sëmundje të mëdha nga të cilat ka vuajtur shëndetësia publike. Aktualisht, dermatologjia ka dimension tjetër, sepse edhe cilësia e jetës në rritje, nevojat e shqiptarëve, si dhe pretendimet për një jetë gjithmonë e më cilësore, e vënë këtë shkencë në një pozicion shumë më të ndryshëm nga më parë.