Dervishi: PD, abuzim me pushtetin
Partia Socialiste ka akuzuar qeverine per keqperdorim te infrastruktures, per fushaten elektorale. Nepermjet nje deklarate per shtyp, deputeti socialist Besnik Dervishi, tha dje se ne situaten aktuale kemi dy realitete ne kontradiksion me njera-tjetren. "E para ajo e segmenteve rrugore te filluar prej vitesh, qe ne periudhen e qeverisjes socialiste, me projekte te gatshme e me financime te siguruara nga partneret nderkombetare, qe nuk po fillojne ose nuk po mbarojne dot, ose po zvarriten qellimisht per keqperdorim elektoral, si segmentet Lushnje-Fier ose ai Levan-Tepelene", deklaroi Dervishi. Se dyti, sipas tij, kemi te bejme me disa segmente rrugore te prokuruara me vlere te plote, fundvitin e kaluar ose kete fillim viti, por te financuara vetem pjeserisht, referuar akteve zyrtare si ligji i buxhetit 2009. "Ky eshte nje keqperdorim flagrant i pushtetit me elemente te shperdorimit te detyres qe behet nga qeveria dhe agjencite e saj per te keqperdorur investimet publike ne infrastrukture, ne favor te fushates elektorale", akuzoi deputeti i selise roze.