Dështoi pesë herë në martesë, vetëvaret 32-vjeçari

Bëhet fjalë për një 32-vjeçar nga fshati Mborje i Korçës, i cili u vetëvar në një pemë gjatë së dielës në afërsi të kishës së fshatit.

Policia lokale bëri të ditur se viktima është shtetasi Gerti Miço, i cili ishte martuar plot pesë herë, por që të gjitha gratë e kishin lënë për shkak të zënkave të shumta dhe përdorimit të alkoolit.

“Familjarët pohuan se djali u ka treguar për sherrin e fundit me gruan, i cili shënon dhe fundin e martesës së pestë. Të dielën në mëngjes, pasi ka dalë vetëm nga shtëpia, ka realizuar vetëflijimin afër kishës, me një litar të varur në pemë. Po hetojmë për zbardhjen e plotë të ngjarjes", thanë burimet zyrtare të policisë. /Start/

                                                                                             2012-02-06 11:35