Dhjetëra të vdekur në Indi
Në ndeshjen e dy trenave, në një stacion hekurudhor të Indisë lindore, të hënën në mëngjes janë shënuar të paktën 61 viktima, ndërkaq janë lënduar edhe rreth 151 të tjerë, deklaroi zëdhënësi i shërbimit hekurudhor indian, Samir Gosvami.
Fatkeqësia ndodhi në stacionin Saindia, në Bengalin perëndimor, rreth 200 kilometra në veri të Kalkutës. Si pasojë e ndeshjes së trenave janë shkatërruar plotësisht dy vagonë të klasës së tretë, përderisa nga fuqia e madhe e përplasjes kulmi i njërit prej vagonëve fluturoi drejt qiellit dhe pastaj u përplas disa metra larg.
Sipas web-faqes së gazetës indiane Indian Press, mjekët e spitaleve në Suri dhe Saindia theksuan se 35 të lënduar janë në gjendje kritike.
Të lënduarve ndihmën e parë ua ofruan banorët lokalë, të cilëve pak më vonë iu bashkëngjitën edhe ekipet e shpëtimtarëve.
Shkaku i fatkeqësisë ende është duke u hetuar, megjithëse gazeta indiane pohon se ndeshja, sipas të gjitha gjasave, është shkaktuar nga drejtuesi i trenit ekspres, i cili nuk kishte respektuar sinjalizimin në stacion.
Kjo është ndeshja e dytë hekurudhore gjatë dy muajve të fundit në Bengalin perëndimor.
Ministrja e Hekurudhës, Mamata Banerij, theksoi se zyrtarët dyshojnë e shkak i fatkeqësisë së të hënës mund të ketë qenë edhe sabotazhi, ngase edhe dy muaj më parë rebelët maoistë kishin sabotuar sinjalizimin e hekurudhës dhe kishin shkaktuar ndeshjen e një treni udhëtarësh me një tren mallrash, si pasojë e të cilës jetën e kishin humbur 49 persona.
Fatkeqësitë hekurudhore janë mjaft të shpeshta në Indi, dhe ato kryesisht shkaktohen për shkak të mosmirëmbajtjes së mirë të hekurudhës dhe të trenave. (Nga Agjencitë)
Fatkeqësia ndodhi në stacionin Saindia, në Bengalin perëndimor, rreth 200 kilometra në veri të Kalkutës. Si pasojë e ndeshjes së trenave janë shkatërruar plotësisht dy vagonë të klasës së tretë, përderisa nga fuqia e madhe e përplasjes kulmi i njërit prej vagonëve fluturoi drejt qiellit dhe pastaj u përplas disa metra larg.
Sipas web-faqes së gazetës indiane Indian Press, mjekët e spitaleve në Suri dhe Saindia theksuan se 35 të lënduar janë në gjendje kritike.
Të lënduarve ndihmën e parë ua ofruan banorët lokalë, të cilëve pak më vonë iu bashkëngjitën edhe ekipet e shpëtimtarëve.
Shkaku i fatkeqësisë ende është duke u hetuar, megjithëse gazeta indiane pohon se ndeshja, sipas të gjitha gjasave, është shkaktuar nga drejtuesi i trenit ekspres, i cili nuk kishte respektuar sinjalizimin në stacion.
Kjo është ndeshja e dytë hekurudhore gjatë dy muajve të fundit në Bengalin perëndimor.
Ministrja e Hekurudhës, Mamata Banerij, theksoi se zyrtarët dyshojnë e shkak i fatkeqësisë së të hënës mund të ketë qenë edhe sabotazhi, ngase edhe dy muaj më parë rebelët maoistë kishin sabotuar sinjalizimin e hekurudhës dhe kishin shkaktuar ndeshjen e një treni udhëtarësh me një tren mallrash, si pasojë e të cilës jetën e kishin humbur 49 persona.
Fatkeqësitë hekurudhore janë mjaft të shpeshta në Indi, dhe ato kryesisht shkaktohen për shkak të mosmirëmbajtjes së mirë të hekurudhës dhe të trenave. (Nga Agjencitë)