Dhjetëra të vrarë në Pakistan

Një sulm vetëvrasës të premten në një postbllok të policisë në veriperëndim të Pakistanit, afër kufirit me Afganistanin, ka lënë vrarë të paktën 20 persona.

Sulmi ndodhi vetëm një ditë pasi që SHBA publikuan një letër të Osama Bin Laden, të konfiskuar me rastin e sulmit të vitit të kaluar në vendstrehimin e tij, në të cilën ai i kritikon militantët pakistanezë për vrasjen e shumë civilëve.

Sipas policisë pakistaneze, sulmi vetëvrasës është kryer afër një tregu të mbushur me njerëz në qytetin Bajur. Në mesin e viktimave u tha se ndodhet dhe një zyrtar i lartë i policisë lokale. Si pasojë e sulmit, kanë mbetur të plagosur më shumë se 40 persona.

Zyrtarët shëndetësorë ndërkaq theksuan se që të dy këto shifra mund të jenë edhe më të mëdha.

Talebanët e lidhur me Al-Qaeda’n janë mjaft aktivë në këtë rajon. Rajoni Bajur është një prej rajoneve më të pakontrolluara fisnore. Kohë më parë, ushtria pakistaneze ka nisur një ofensivë të madhe atje.