Dhunohen varret, grabiten 20 vazo ne qivure
Persona te paidentifikuar kane dhunuar dy dite me pare varret ne fshatin Mborje, prane qytetit te Korces. Ngjarja eshte konstatuar nga rojet, te cilet kane njoftuar policine per vjedhjen e objekteve prej bronzi qe zbukuronin varret, kryesisht te personave me besim fetar ortodoks. Burime nga policia e Korces pohuan dje se jane sinjalizuar per dhunimin e te pakten 20 qivureve dhe kane filluar hetimet per te zbuluar autoret. Punonjesja qe kujdestet per mirembajtjen e tyre, Lola Elmazi, thote se objektet jane vjedhur naten dhe mendohet se jane ricikluar duke u shitur si skrap. Punonjesja thote se dyshimet e tyre nuk jane per nje vjedhje te thjeshte me qellim fitimi, pasi eshte hera e dyte qe ne varrezat e ketij fshati konstatohet nje fakt i tille. Policia nisi hetimet per kete ngjarje duke marre edhe deshmite e punonjesve. Dyshimet qendrojne tek persona qe mund te kene udhetuar nga qyteti afer fshatit Mborje. Per kete arsye banoret e fshatit i jane drejtuar dje komunes se Drenoves, duke kerkuar te merren masa per te mbrojtur varret e familjareve te tyre, ndersa i kane kerkuar policise te gjeje autoret. Dukuria e vjedhjes se objekteve prej bronzi nuk shqeteson vetem fshatin Mborje. Kohet e fundit edhe ne varezat e qytetit te Korces apo ne fshtra te tjere te ketij rrethi po regjistrohen gjithnje e me shume raste te vjedhjes se objekteve prej bronzi te varreve dhe dhunimit te tyre.
G. Ashimi