Dialogu me Beogradin Tahiri Bisedimet teknike jo politike
Lugina e Preshevës dhe të drejtat e shqiptarëve që jetojnë atje nuk do të jenë pjesë e bisedimeve që vazhdojnë mes Kosovës dhe Serbisë. Kështu ka bërë të ditur kryesuesja e delegacionit kosovar, Edita Tahiri, gjatë një debati që ka zhvilluar me studentët e Universitetit Amerikan të Kosovës. Tahiri ka përjashtuar çdo mundësi që gjatë këtyre bisedimeve të diskutohet për statusin e veriut të Kosovës dhe për çështjet e brendshme të vendit të rregulluara me Kushtetutë.
“Këto janë bisedime për çështje teknike dhe synimi ynë është që duke zgjidhur problemet teknike të përmirësojmë jetën e qytetarëve, veçmas në pjesën veriore. Këto nuk janë bisedime politike për të shtruar çështjen e të drejtave të minoriteteve në Kosovë, qoftë në Kosovë, qoftë të drejtave të shqiptarëve në Serbi” tha Tahiri.
Tahiri nuk është pajtuar me qëndrimin e shprehur nga EULEX-i që Kosova të diskutojë me Serbinë hapjen e gjykatave në veri të Kosovës, të mbyllura pas trazirave tri vjet më parë nga serbët e revoltuar me shpalljen e pavarësisë së Kosovës.
“Çështjet e drejtësisë, përfshirë edhe gjykatat janë çështje të sovranitetit dhe qëndrimi ynë është se këto çështje zgjidhen përmes bashkëpunimi midis institucioneve të Kosovës dhe EULEX-it dhe këto nuk do të jenë pjesë e bisedimeve” tha Tahiri.
Tahiri ka bërë përgjegjës Beogradin zyrtar për gjendjen në veri të vendit, ku veprojnë strukturat paralele serbe dhe ku qeveria e Kosovës nuk ka arritur asnjëherë të ketë kontroll në atë pjesë.
Bul Salihu
“Këto janë bisedime për çështje teknike dhe synimi ynë është që duke zgjidhur problemet teknike të përmirësojmë jetën e qytetarëve, veçmas në pjesën veriore. Këto nuk janë bisedime politike për të shtruar çështjen e të drejtave të minoriteteve në Kosovë, qoftë në Kosovë, qoftë të drejtave të shqiptarëve në Serbi” tha Tahiri.
Tahiri nuk është pajtuar me qëndrimin e shprehur nga EULEX-i që Kosova të diskutojë me Serbinë hapjen e gjykatave në veri të Kosovës, të mbyllura pas trazirave tri vjet më parë nga serbët e revoltuar me shpalljen e pavarësisë së Kosovës.
“Çështjet e drejtësisë, përfshirë edhe gjykatat janë çështje të sovranitetit dhe qëndrimi ynë është se këto çështje zgjidhen përmes bashkëpunimi midis institucioneve të Kosovës dhe EULEX-it dhe këto nuk do të jenë pjesë e bisedimeve” tha Tahiri.
Tahiri ka bërë përgjegjës Beogradin zyrtar për gjendjen në veri të vendit, ku veprojnë strukturat paralele serbe dhe ku qeveria e Kosovës nuk ka arritur asnjëherë të ketë kontroll në atë pjesë.
Bul Salihu