Dietat, sherr PS - Kuvend

Ceshtja e marrjes se dietave ne Kuvend, po shkakton jo pak debate mes ketij institucioni dhe selise roze. Serish dje, deputetja e Partise Socialiste, Shega Ligori, akuzoi Kryetaren e Kuvendit, Jozefina Topalli, se jo vetem qe nuk deshiron te beje transparence per dietat qe merr, por nuk ka as guximin te dale publikisht dhe te jape llogari perpara shqiptareve, sesi po pasurohet me taksat e tyre. “Topalli te jape publikisht shpjegime per pasurine e saj. Edhe pse jeton ne mes te Bllokut, vetem per genjeshtren qe ben duke pretenduar se jeton ne Shkoder, merr 11 milion e 178 mije leke ne vit”, akuzoi Ligori. Akuze qe solli menjehere reagimin e administrates se Kuvendit. Duke theksuar se ky institucion eshte i hapur per transparence, administrata e cileson qendrimin e Ligorit, si nje person qe nuk e ka veten ne dore dhe nuk guxon te ngrihet kunder keqperdorimit nga kryetari i saj, Edi Rama. “Kryetari i shoqes Shegushe, njeriu qe urren parlamentin, duhet te mesoje se parlamenti, si cdo institucion tjeter, administrohet ne baze te rregullave dhe ligjeve dhe kontrollohet rregullisht nga institucionet e pavarura te ngarkuara nga Kushtetuta”, thuhet ne njoftimin e administrates. Sipas ketij njoftimi, askush deri me sot nuk ka guxuar te thote qofte edhe nje fjale te vetme per dietat qe perfitojne ne menyre te ligjshme ashtu sikurse Kryetari i Kuvendit edhe deputetet socialiste Taulant Balla, Agim Leka, Armando Subashi, Ilir Bejtja, Gjovalin Kadeli, Eltar Deda, Gjok Jaku, Ervin Koci, Klodiana Spahiu, Vangjel Tavo, Skender Hasa, Armando Prenga, Astrit Beci, Fatos Tushe, e te tjere. “Dalja e fundit e deputetes Ligori, na ngjall vetem dhimbje dhe solidaritet per nje politikane te re dhe grua e cila, nuk e ka veten ne dore dhe nuk guxon te ngrihet kunder ketij keqperdorimi qe po i behet nga zoti Rama”, reagoi Kuvendi.