PS: Kriza ekonomike, nga keqmenaxhimi i financave

Situata ekonomike ne vend, ka qene serish ne qender te vemendjes se Partise Socialiste. Deputeti i PS-se, Ilir Beqja, u shpreh dje se problemet ne ekonomine e vendit kane ardhur si pasoje e keqadministrimi te financave publike nga institucionet pergjegjese. “Realiteti i veshtire ekonomik, sot eshte produkt i drejtperdrejte i keqmanaxhimit dhe abuzimit te qellimshem me financat publike. Cdo familje shqiptare po e vuan ne kurriz te saj papergjegjshmerine e qeverise, e cila nuk kalon kurre pertej retorikes boshe nga Keshilli i Ministrave”, u shpreh Beqja. Deputeti i PS-se, paraqiti te dhena qe rrezonin pretendimet e qeverise per rritje ekonomike dhe shtim te ardhurash ne sektore te vecante. Beqja u shpreh, se pavaresisht deklaratave te qeverise per ulje te papunesise dhe hapjen e vendeve te reja te punes, me ndryshimet ne buxhet do te humbasin vendet e punes rreth 17 mije punonjes. Nga ana tjeter, Beqja e cilesoi si alarmante dhe situaten e biznesit. “Berisha flet per mijera biznese te reja, por fitimet e kompanive jane me pak se vitin e kaluar”, u shpreh Beqja. Duke komentuar situaten ne biznes, Beqja tha se pavaresisht rritjes se kredive te dhena per kete sektore, niveli i kredive te keqija rezulton me i larte se nje vit me pare. E njejta situate, sipas deputetit Beqja, eshte dhe ne importin e pajisjeve dhe makinerive, niveli i te cilave ka njohur ulje. “Berisha flet per rritje te investimeve direkte, por fsheh se ne 6 muajt e fundit importi i makinerive dhe pajisjeve ka rene me 20%”, u shpreh Beqja. Ai theksoi se pavaresisht deklaratave optimiste te Kryeministrit Berisha per rritje ekonomike, shifrat e muajve te pare te vitit 2010 nuk jane aspak pozitive. Arsyen e renies ekonomike Partia Socialiste e sheh dhe te perdorimi i buxhetit per kritere elektorale gjate vitit te kaluar.