Digjen 50 ha pyje në Lunxhëri

Policia po procedon penalisht një shtetas për zjarrvënie nga pakujdesia. Policia lokale bëri të ditur se mbrëmjen e djeshme shtetasi Anastas Koti, banor i fshatit  Qesorat të Komunës Lunxhëri, duke kontrolluar bletët e tij në dalje të fshatit në një përrua, ka harruar tymësen e bletëve ndezur  duke shkaktuar zjarr.

Flaket e zjarrit te ndihmuara edhe  nga era kane përparuar në pyll duke djegur plotësisht 50 ha pyje dhe kullota.
Forca te shumta policie kane shkuar ne vendngjarje, por pa mundur ta vene nen kontroll zjarrin për shkak te terrenit tepër malor dhe erës.

Nga zjarri nuk pati dëme  në njerëz apo në banesa si dhe në pronën private të banorëve. Polica arrestoi 65 vjeçarin Koti për zjarrëvenie nga pakujdesia. /Start/

                                                                                             2011-07-23 14:51