Digjet shtëpia e Brenos
Nga Express më 20 shtator 2011 në ora 17:09
Mbrojtësi i Bayern Munichut Breno të martën në mëngjes është trajtuar në spital për inhalacion nga tymi pasi shtëpia e tij u dogj dhe është gati tërësisht e shkatërruar, ka njoftuar policia gjermane.
Braziliani Breno, 21 vjeç, ishte i vetëm në shtëpi në kohën e zjarrit. Policia ka bërë të ditur se është duke hetuar shkakun e zjarrit që kaploi vilën në lagjen Gruenwald në Munich.
Breno iu bashkua Bayernit si 18 vjeç më 2008. Ai bëri shtatë paraqitje në Bundesligë, sezonin e kaluar.