Dinamo-Partizani, derbi do luhet në “Qemal Stafa”
Nga Bledar Kuka
Do të luhet në stadiumin kombëtar, "Qemal Stafa", ndeshja derbi mes Dinamos dhe Partizanit, e vlefshme për javën e 26-të të Superligës. Ky fat për dy ekipet e shquara shqiptare ka ardhur sepse Tirana do ta luajë në Krujë, ndaj Kastriotit, takimin e kësaj jave. Bardheblutë kanë një kontratë me stadiumin në fjalë dhe Partizani e Dinamo mund të luajnë në "Qemal Stafa" vetëm kur Tirana luan jashtë. Lajmin për derbin në stadiumin qendror të Shqipërisë e ka konfirmuar edhe drejtori i "Qemal Stafës", Perikli Dhales. Së fundi, ka qenë vetë presidenti i klubit, Albert Xhani, që ka vlerësuar skuadrën e kuqe për ecurinë e javëve të fundit në kampionat. "Fitorja ndaj Elbasanit ishte shumë e vlefshme dhe e merituar, - mësohet të ketë thënë ai, - tashmë janë gati edhe shpërblimet për lojtarët, para që i takojnë sipas rregullores, për shkak të fitoreve". "Demat e kuq" zenë vendin e 4-t në tabelë, me vetëm 2 pikë më pak sesa Teuta e vendit të dytë, por me golaverazh më të mirë sesa ata. Shkëputja nga Tirana kryesuese, sidoqoftë, është plot 10 pikë.
Do të luhet në stadiumin kombëtar, "Qemal Stafa", ndeshja derbi mes Dinamos dhe Partizanit, e vlefshme për javën e 26-të të Superligës. Ky fat për dy ekipet e shquara shqiptare ka ardhur sepse Tirana do ta luajë në Krujë, ndaj Kastriotit, takimin e kësaj jave. Bardheblutë kanë një kontratë me stadiumin në fjalë dhe Partizani e Dinamo mund të luajnë në "Qemal Stafa" vetëm kur Tirana luan jashtë. Lajmin për derbin në stadiumin qendror të Shqipërisë e ka konfirmuar edhe drejtori i "Qemal Stafës", Perikli Dhales. Së fundi, ka qenë vetë presidenti i klubit, Albert Xhani, që ka vlerësuar skuadrën e kuqe për ecurinë e javëve të fundit në kampionat. "Fitorja ndaj Elbasanit ishte shumë e vlefshme dhe e merituar, - mësohet të ketë thënë ai, - tashmë janë gati edhe shpërblimet për lojtarët, para që i takojnë sipas rregullores, për shkak të fitoreve". "Demat e kuq" zenë vendin e 4-t në tabelë, me vetëm 2 pikë më pak sesa Teuta e vendit të dytë, por me golaverazh më të mirë sesa ata. Shkëputja nga Tirana kryesuese, sidoqoftë, është plot 10 pikë.