Dino Asanaj është qëlluar me shtatë thika

Ish-kreu i Agjencisë së Privatizimit në Kosovë, Dino Asanaj

PRISHTINË – Së paku shtatë plagë nga thika janë evidentuar në trupin e Asanajt, ka thënë një burim i sigurt për gazetën Koha Ditore në Kosovë. Autopsia e trupit të Dino Asanajt duket se do të hedhë poshtë edhe mundësinë e vetëvrasjes, meqë ekzaminimi i parë ka treguar se i ndjeri ka shumë goditje me thikë, të pamundura nëse do të ishte vetëvrasje.

Burimi i afërt me procesin e autopsisë, ka lënë të kuptohet se numri i plagëve përjashton vetëvrasjen si mundësi. Megjithatë, burimi ka thënë se duhet pritur të kryhet autopsia dhe të dalë raporti zyrtar për të pasur një rezultat përfundimtar për rastin.