“Diploma” zbulon bazën e falsifikimeve në Tiranë
09/07/2009 Arrestohen dy persona, sekuestrohen 5 vula dhe shumë dokumente
TIRANE- Një bazë falsifikimesh është zbuluar në kryeqytet, ku dy persona kanë rënë në prangat e policisë si dhe 4 vula e një sasi e madhe dokumentesh të falsifikuara janë sekuestruar nga agjentët e sektorit kundër Krimit-Ekonomik. Për gati 1 muaj hetime punonjësit e policisë kanë arritur të mbledhin informacione të sakta se shtetasit Roland Papaproko 56 vjeç nga Vlora dhe Franc Borova 57 vjeç nga Tirana, në një banesë kryenin falsifikim e diplomave, patentave, diplomave të gjimnazeve e një sërë dokumentesh të tjera. Mësohet se për të realizuar këtë aktivitet kriminal, dy personat e sipërcituar kishin në dispozicion pesë vula, ku njëra prej tyre i përkiste Drejtorisë së Policisë qarkut Tiranë, pikës së kalimit kufitar Kakavijë, Ministrisë së Mbrojtjes Dega Mobilizim, si dhe dy vula i përkisnin institucioneve joqeveritare. Për të ndërprerë aktivitetin e kësaj “industrie” falsifikimesh, agjentët e policisë në bashkëpunim edhe me prokurorët e njësisë hetimore Task-Forcë, kanë organizuar operacionin e koduar “Diploma”, ku në prangat e të cilit ranë dy shtetasit e lartpërmendur dhe u sekuestruan një sasi e madhe dokumentesh që ishin grumbulluar aty për t’u falsifikuar. Aktualisht prokurorët e njësisë hetimore Task-Forcë po kryejnë veprime të tjera hetimore, pasi dyshohet se në këtë aktivitet janë të implikuar edhe disa persona të tjerë. Mbi të arrestuarit janë ngritur tre akuza.
TIRANE- Një bazë falsifikimesh është zbuluar në kryeqytet, ku dy persona kanë rënë në prangat e policisë si dhe 4 vula e një sasi e madhe dokumentesh të falsifikuara janë sekuestruar nga agjentët e sektorit kundër Krimit-Ekonomik. Për gati 1 muaj hetime punonjësit e policisë kanë arritur të mbledhin informacione të sakta se shtetasit Roland Papaproko 56 vjeç nga Vlora dhe Franc Borova 57 vjeç nga Tirana, në një banesë kryenin falsifikim e diplomave, patentave, diplomave të gjimnazeve e një sërë dokumentesh të tjera. Mësohet se për të realizuar këtë aktivitet kriminal, dy personat e sipërcituar kishin në dispozicion pesë vula, ku njëra prej tyre i përkiste Drejtorisë së Policisë qarkut Tiranë, pikës së kalimit kufitar Kakavijë, Ministrisë së Mbrojtjes Dega Mobilizim, si dhe dy vula i përkisnin institucioneve joqeveritare. Për të ndërprerë aktivitetin e kësaj “industrie” falsifikimesh, agjentët e policisë në bashkëpunim edhe me prokurorët e njësisë hetimore Task-Forcë, kanë organizuar operacionin e koduar “Diploma”, ku në prangat e të cilit ranë dy shtetasit e lartpërmendur dhe u sekuestruan një sasi e madhe dokumentesh që ishin grumbulluar aty për t’u falsifikuar. Aktualisht prokurorët e njësisë hetimore Task-Forcë po kryejnë veprime të tjera hetimore, pasi dyshohet se në këtë aktivitet janë të implikuar edhe disa persona të tjerë. Mbi të arrestuarit janë ngritur tre akuza.