Diplomat e Bolonjes, funksionale edhe me 3-vjecar

Nje vend pune, ne shtet apo privat mund te sigurohet edhe duke bere vetem 3 vjet shkolle te larte. Siguria eshte dhene nga Ministri i Arsimit, Myqerem Tafaj, i cili ka qetesuar studentet protestues per veshtiresite qe ata kane ne tregun vendas. Te rinjte pretendojne se vetem me tri vitet e para te universitetit, nuk mund te punesohen si specialiste te larte. Por ministri Tafaj, sqaron se certifikata e ciklit te pare "Becler" eshte po aq e vlefshme edhe ne ato vende qe aplikojne karten e Bolonjes. "Pavaresisht konflikteve te shkaktuara nga aplikimi i sistemit te Bolonjes per vendin tone, kalimi nga sistemi katervjecar ne ate tre plus dy, eshte nje arritje e madhe dhe nje nga kushtet per t'u renditur perkrah universiteteve evropiane", ka pohuar ministri i Arsimit, Myqerem Tafaj. Sipas tij, ne te gjithe vendin eshte aplikuar sistemi i Bolonjes. Ne te njejten linje me ministrin e Arsimit ka qene dhe rektori i Universitetit te Tiranes, Dhori Kule, i cili u shpreh se studentet qe lene auditoret tani, jane me cilesore se ata te sistemit te vjeter. Edhe pse arsimi i larte eshte masivizuar, sipas Kules ai po plotesohet me cikle te tjera studimi te cilat me pare kane munguar. Ne nje takim me unionet studentore ministri i Arsimit, Myqerem Tafaj deklaroi ndryshim te ligjit te arsimit te larte per permiresimin e sistemit te Bolonjes, ashtu sic kane sugjeruar edhe universitetet. Ndersa per keto te fundit, ministri premtoi ndryshimin e skemes se financimit, duke shkuar drejt autonomise se plote financiare.

Sistemi

Sistemi i Bolonjes po hyn ne vitin e dhjete te tij te aplikimit nga vendet evropiane. Ai ka filluar te zbatohet qe nga viti 1999 kur ne Bolonje, u nenshkrua marreveshja per zbatimin e sistemit tre plus dy.