Dita e Deshmoreve, organizohen vetem forcat e majta

Ndryshe nga vitet e tjera, Dita e Deshmoreve ne Korce i ka gjetur te ndare jo vetem krahet e politikes, por edhe institucionet shteterore. Duket se shkak per kete ndarje, eshte bere vete bashkia e Korces, e cila ka vendosur qe aktivitetet per kete dite, t'i organizoje vetem me forcat e majta, duke perjashtuar institucionet e tjera shteterore, gje qe ka sjelle edhe reagimin e ketyre te fundit. Perfaqesues te bashkise, shoqates se veteraneve, familjare te te reneve dhe forcat e majta, kane bere homazhe dhe kane vendosur kurora ne Varrezat e Deshmoreve te rrethit, duke kujtuar dhe vleresuar te gjithe ata qe dhane jeten per lirine e vendit. Pas tyre, kane vijuar nderimet per te renet, forcat e djathta politike dhe institucionet shteterore te rajonit. Ne Monumentin e Partizanit, jane vendosur kurora nga prefektja, Elfrida Zefi, kryetari i Qarkut dhe krere te politikes se djathte, duke mbajtur nje minute heshtje, ne nderim te sakrifices per atdheun. Me mbarimin e ceremonise perkujtimore, prefektja Zefi, nepermjet nje deklarate ka akuzuar bashkine e Korces, se ka shkelur protokollin me rastin e festave, duke perjashtuar qellimisht nga ceremonite per 5 Majin, institucionet e tjera shteterore. "Me gjithe kembenguljen e institucionit te Prefektures, bashkia e Korces ka shprehur dhe ka bere realitet vendosmerine per te organizuar ceremonialin ne varrezat e deshmoreve,duke perjashtuar institucionet shteterore. Ky veprim ka shkelur hapur rregullat dhe protokollin e organizimit te ceremonialeve, duke tentuar keshtu te ndaje dhe me keq akoma, te privatizoje gjakun e te reneve", eshte shprehur gjate fjales se saj prefektja, Elfrida Zefi. D.Zizi

Politika

Shume here politika ka ndare drejtuesit e partive politike, por edhe drejtuesit e institucioneve te ndryshme ne homazhet qe kryhen per nder te te reneve gjate luftes. Kete vit per here te pare ne Tirane, jane bashkuar disa institucione te rendesishme.