Djourou përfundon sezonin
Nga Express më 13 mars 2011 në ora 18:48
Mbrojtësi i Arsenalit, Johan Djourou do të mungojë në pjesën e mbetur të sezonit për shkak të lëndimit në krah.
24-vjeçari u dëmtua në humbjen e skuadrës së tij në çerekfinale të FA Cup nga Manchester United në Old Trafford, të shtunën.
Ai u përplas me bashkëlojtarin Bacary Sagna, kah përfundimi i humbjes 2-0, dhe u bart jashtë fushës.
“Fatkeqësisht kemi humbur Johan Djouroun për pjesën e mbetur të sezonit, ka nxjerrë krahun, sezoni përfundon”, tha menaxheri i Arsenalit, Arsene Wenger.