Dobjani: Te perndjekurit, urgjent leket
Avokati i Popullit, nderhyn per demshperblimin e menjehershem te ish te perndjekurve politike, te cilet jane deklaruar te pafajshem dhe aktualisht jane gjalle. Pas ankesave te bera nga shoqatat e ish te perndjekurve politike, Avokati i Popullit, Ermir Dobjani, i dergoi pak dite me pare nje shkrese, Ministrit te Drejtesise, Bujar Nishani per demshperblim sa me shpejt te kesaj shtrese te shoqerise. "Pa u shprehur per te gjitha pretendimet e ish te perndjekurve, sipas te dhenave qe disponojme, na rezulton se numri i ish te burgosurve politike te regjimit komunist, qe akoma jetojne eshte rreth 2 mije persona. Ne keto kushte mendojme se do te ishte me se e arsyeshme qe te beheshin perpjekje dhe te demshperbleheshin menjehere per burgimin e padrejte kjo kategori e ish te burgosurve politike te regjimit komunist, te cilet akoma jane gjalle, me pare se sa kategorite e tjera qe perfitojne nga fakti se jane te paslindur etj, ne raport me personin e denuar politikisht", sugjeron ne letren e tij, Dobjani. Duke ia bere me dije edhe Ministrise se Financave, e cila ka ne dore levrimin e fondit per ish te perndjekurit politike, Avokati i popullit, ben thirrje per demshperblimin e menjehershem te tyre, dhe me pas te kategorive te tjera, qe me ligj do te demshperblehen. Avokati i Popullit ne vazhdimesi ka marre ne shqyrtim te gjitha pretendimet e ish te denuarve politike, ligjet si dhe aktet nenligjore e administrative te nxjerra nga institucionet shqiptare per demshperblimin e tyre. Thirrja e Avokatit te Popullit, Dobjani, vjen ne nje kohe kur qeveria pak dite ne pare miratoi nje vendim te posacem per demshperblimin e ish te perndjekurve politike. Sipas aktit te ekzekutivit, miratuar ne mbledhjen e fundit te Keshillit te Ministrave per vitin qe shkoi, te zhvilluar me 29 Dhjetor, thuhet se Ministria e Drejtesise, duhet te angazhohet shume shpejt, qe te shqyrtoje menjehere, kerkesat e ish te denuarve politike qe kane mbetur gjalle. Ekzekutivi percaktoi qarte, qe te shqyrtohen ne menyre te drejtperdrejte kerkesat e paraqitura nga ish te denuarit politike te regjimit komunist te mbetur gjalle. "Ministri i Drejtesise identifikon listen e ish-te denuarve politike te regjimit komunist, te mbetur gjalle, te cilen ia percjell Ministrise se Brendshme, Ministrise se Mbrojtjes, Sherbimit Informativ te Shtetit e Drejtorise se Pergjithshme te Arkivave te Shtetit", thuhet ne vendim. Po keshtu, institucionet qe merren me zbatimin e katil ligji, lidhin memorandum bashkepunimi ndermjet tyre, per pershpejtimin e procedurave dhe te afateve te shqyrtimit te drejtperdrejte e te bashkerenduar te kerkesave te ish- te denuarve politike te regjimit komunist, te mbetur gjalle, si dhe te komunikimit zyrtar ndermjet tyre.
Letra
Avokati i Popullit, Dobjani, i kerkoi zyrtarisht nepermjet nje letre, Ministrit te Drejtesise, Nishani qe te behen perpjekje dhe te demshperbleheshin menjehere per burgimin e padrejte ish te burgosurit politike te regjimit komunist te cilet akoma jane gjalle.
Thirrja
Apeli i Avokatit te Popullit iu be ministrit, pas takimeve qe Dobjani zhvilloi me perfaqesues te shoqatave te ish te perndjekurve politike ne vend. Ata pretendojne se jane rreth 2000 persona, ish te denuar politike, te shpallur te pafajshem qe jane gjalle.
Intervista/Deputeti i PS: Ne nuk jemi parti rrugacesh, jemi parti institucionesh dhe dalim ne rruge sa here qe popullit i preket e drejta, sa here qe eshte e nevojshme