Dobjani, leter Topit: Referendum per sistemin
Sistemi zgjedhor te jete nje zgjedhje nepermjet nje referendumi popullor. Ky ka qene edhe reagimi i ardhur nga Avokati i Popullit, Ermir Dobjani, i cili ka derguar nje shkrese zyrtare Presidentit te Republikes per mundesine e mbajtjes se referendumit per ceshtjen e sistemit zgjedhor. "Sovrani, qe eshte populli, nepermjet fjales se tij, te shprehet per ate sistem qe deshiron, te shprehet nese deshiron nje sistem, i cili garanton nje udheheqje te qendrueshme, te forte dhe nese deshiron te kete shume parti ne Shqiperi, se sa e deshiron pragun elektoral, pasi ka lidhje me kete gje", argumentoi Dobjani per veprimin e tij. Sipas tij, mbi bazen e ketyre zgjedhjeve qe do te beje populli, kuptohet qe do te zbutet dhe lufta politike nepermjet partive, sepse nuk do te kete me vend per kundershtime nga njera apo tjetra, nuk do te kete akuza te ndersjella per njeren apo tjetren parti politike, por te gjithe do t'i nenshtrohen votes se sovranit, qe eshte populli. Gjithashtu Avokati i Popullit deklaroi se per kete veprim nuk eshte takuar me partite politike per ta diskutuar dhe se kjo eshte nje ide qe nepermjet informacionet dhe rekomandimet qe ai merr nga te gjitha institucionet e shtetit dhe Avokati i Popullit jep mendimet e tij. "Mendimi im ishte si mendimi i nje institucioni qe komunikon me Presidentin e Republikes si per shume ceshtje te tjera, qe jep mendimet e tij. Pra, ketu nuk kishte asgje, te kuptimit determinant per Presidentin e Republikes", u shpreh Dobjani. Shqiptaret jane thirrur ne referendum ne vitin 1998, kur eshte hartuar e me pas miratuar Kushtetuta e vendit.
D.Dedej