Doganat, mblidhet Krimi Ndërkufitar

Për dy ditë rresht, strukturat që luftojnë krimin ekonomik në pikat kufitare do të mblidhen në Vlorë, për të diskutuar masat paraprake për të ardhmen. Konferenca e Qendrës Rajonale të Luftës Kundër Krimit Ndërkufitar, SECI, organizohet nga Drejtoria e Doganës, meqë vendi ynë ka marrë kryesinë e radhës së Komitetit Drejtues të SECI-t, (JCC) dhe në rolin e kryetarit të këtij Komiteti është drejtori i përgjithshëm i Doganave Shqiptare, Endri Pema. Në takim do të marrin pjesë struktura të Task-Forcës në lidhje me trafikimin e qenieve njerëzore, kundër trafikimit të drogave, kontrabandës dhe mashtrimit, krimit financiar, automjeteve të vjedhura, terrorizmit, etj. Qendra SECI (Qendra Rajonale e Luftës Kundër Krimit Ndërkufitar) me seli në Bukuresht, Rumani, është një organizëm rajonal që bashkon autoritetet policore dhe doganore të 13 vendeve anëtare të Evropës Juglindore.