Doktori që tha se Çavez do vdesë nga kanceri, arratiset nga frika

Një doktor, që kishte deklaruar se presidenti i Venezuelës, Hugo Çavez do të vdesë brenda dy vitesh nga kanceri, është arratisur nga vendi. BBC thotë se ai ka frikë për jetën. Doktori kishte deklaruar se Çavez ka një formë shumë agresive kanceri. Të enjten Çavez u kthye nga Kuba, ku bëri një kontroll tjetër mjekësor. Mjeku Salvador Navarrete tha se presidenti vuan nga një formë serioze kanceri, krejt ndryshe nga sa ka deklaruar presidenti në publik.

Kur u kthye nga Kuba të enjten, Çavez tha se kishte mposhtur kancerin dhe se trupi i tij ishte çliruar nga qelizat malinje. Presidenti madje ka bërë të ditur se do rigarojë në vitin 2012 për të marrë një tjetër mandat gjashtëvjeçar.