Dollari, pritet renie tjeter

Te pakten edhe per pjesen e dyte te ketij viti monedha e perbashket evropiane do te kete pozita superiore ne kembim me dollarin amerikan, nderkohe qe kembimi me lekun do te diktohet nga tregu nderkombetar. Banka Qendrore Evropiane ne mbledhjen e dy diteve me pare vendosi te mbaje te pandryshuar normen e interesit, 4 per qind.
Nga ana tjeter, dollari amerikan ka rene ne nivelet me te uleta historike ndaj euros. "Kemi pare nje renie te madhe te dollarit, tha Simon Derrick, shef kembimi ne Banken e Nju-Jorkut Mellon Corp. "FED duket se do te ule normen baze te interesit dhe nuk eshte cudi qe dollari te arrije nivelin 1.55 ndaj euros. Shumica e investitoreve mendojne se, FED do te ule normen baze te interesit deri ne 2,25% ne takimin e dates 18 mars. Nderkohe, Banka Qendrore eshte deklaruar tashme se nuk do te ule cmimin e euros, duke sakrifikuar eksportet, per te mbajtur inflacionin nen kontroll.

Kriza energjetike "kercenon" kembimin
Por, gjithashtu, sjellja mbicmuese e lekut reflekton qendrueshmerine makroekonomike ne vend, thellimin e diferences se normave te interesit si dhe nivelet e krahasueshme te inflacionit me partneret kryesore, sqarojne ekspertet ne sektorin bankar. Por, Banka e Shqiperise lajmeron se monedha vendase nuk do te jete kaq stabile, nese kriza energjetike do ta stimuloje blerjen e energjise jashte vendit. Ne tregun e brendshem valutor mund te shkaktohen lekundje te perseritura te kursit te kembimit, per shkak te kerkeses se larte te KESH-it, si operator per valute, me qellim kryerjen e transaksioneve per blerjen e energjise elektrike, pavaresisht nga cmimi.