"Dosjet", PS ankim ne Kushtetuese

Partia Socialiste do te ankimoje ne Gjykaten Kushtetuese ligjin e "Dosjeve". Ndersa ligji kaloi vetem diten e pare te saj ne fuqi, partia me e madhe ne opozite duket se do t'i shkoje deri ne fund hapesirave te lejuara per shfuqizimin e tij. Nepermjet nje deklarate per shtyp, dje nenkryetari i grupit parlamentar socialist, Erion Brace, ka deklaruar se partia e tij nuk ka dyshime qe ky ligj te dergohet ne Gjykaten Kushtetuese. Gjithashtu deputeti socialist ka komentuar edhe doreheqjen e pare, si shkak i hyrjes ne fuqi se ligjit te lustracionit, te kryer nga pergjegjesi i grupit te hetimit per tragjedine e Gerdecit, Zamir Shtylla. I pyetur nga gazetaret se nese kjo doreheqje do te ndikonte ne procesin hetimor, Brace deklaroi se ishte nje gje, per te cilen nuk mund te thuhej ende. "Do te ndikoj apo jo doreheqja, kete nuk mund t'ua them dot sot, sepse nuk jam ne brendesi te hetimeve", sqaroi qendrimin e tij nenkryetari i grupit parlamentar socialist. Por, sipas tij, deri diten e fundit kur perpara drejtesise te shkojne keta njerez, nuk do te kete absolutisht asnje terheqje ne kerkesen per drejtesi, nga ana e Partise Socialiste. "Sa per procesin hetimor, po ju them, se armiku kryesor per te zbardhur dhe shkuar deri ne fund krimit apo vrasjes shteterore te Gerdecit, eshte Sali Berisha", akuzoi Brace. Nderkohe dje, u mbushen 10 muaj nga tragjedia e Gerdecit, ku u vrane 26 persona dhe u plagen 256 te tjere. Perpos kesaj, Partia Socialiste apeloi serish per ndeshkimin e drejte dhe ligjor prej drejtesise, per shkaktaret e kesaj tragjedie. "Gerdeci nuk eshte nje fatkeqesi, por nje simbol i dukshem i nje sistemi ekonomik kriminal, qe shfrytezon pa meshire nevojen per te jetuar te cilitdo, burre, grua, te moshuar , femije, per te pasuruar nje grusht njerezish me pushtet, themelues te ketij sistemi, ne krye te cilit qendron Sali Berisha", akuzoi Brace. Sipas tij, procedura se si u ndertua Gerdeci perfaqeson sot sistemin qeverises ne Shqiperi, unik, i paligjshem, korruptiv, anti-popullor, pasurues pa te drejte dhe me para te paligjshme.

Denis Dedej