Dosjet e pensioneve false, ekspertize ne laborator

Materialet shkresore ne dosjet e sekuestruara ne Drejtorine Rajonale te Sigurimeve Shoqerore, po i nenshtrohen ekzaminimeve ne Laboratorin Qendror Kriminalistik ne Tirane. Hetimet kane nisur ne lidhje me te implikuarit ne falsifikimin e dokumenteve zyrtare, qe kane perfituar pension te parakohshem dhe pleqerie, duke i shkaktuar nje dem te konsiderueshem buxhetit te shtetit. Ndersa dje jane denoncuar edhe dy persona te tjere po per falsifikim. Lajmi eshte bere i ditur nga burime prane Prokurorise se Tiranes qe thane per gazeten "KJ", "se materialet e sekuestruara ne Drejtorine Rajonale te Sigurimeve Shoqerore, jane derguar per ekspertize ne Laboratorin Qendror Kriminalistik, ku do te zbardhen autoret qe kane firmosur dokumentet". Nen hetim jane 11 zyrtare te ketij institucioni dhe minieres se Krrabes, ku jane leshuar vertetimet e vjetersise per pune. Dyshohet se 200 persona te ndryshem, permes falsifikimit te dokumenteve zyrtare, kane perfituar pension te parakohshem dhe pleqerie, duke paguar nen dore vetem 50 mije leke te reja. Sipas tyre, permes kesaj procedure ekspertet pritet te dalin ne nje konkluzion shkencor per dokumentet te cilat dyshohet se jane falsifikuar, per te vazhduar me pas me hetime per zbardhjen e mekanizmit per perfitimin e pensioneve ne menyre te paligjshme dhe personat e perfshire ne kete abuzim. Hetimet per kete ceshtje nisen disa dite me pare nga Prokuroria e Tiranes, pas kerkeses se policise per procedimin e mbi 11 personave qe dyshohet se permes dokumenteve false kane perfituar pension te parakohshem qysh ne vitin 2000. Nen hetim gjithashtu jane edhe ish-punonjes te Drejtorise Rajonale te Sigurimeve Shoqerore. Per llogari te hetimit, ne kete drejtori jane sekuestruar dhjetera dosje te shtetasve te ndryshem, te cilet dyshohet se kane perfituar ne menyre te padrejte pension. Po dje jane kallezuar per ndjekje penale dhe dy persona te tjere, Shaban Xexa, 51 vjec dhe Ardian Kullolli, 47 vjec, te dy lindur dhe banues Tirane.

A. Cena