Drejt zbatimit

Kosova dhe Serbia kanë bërë hapa konkretë drejt zbatimit të marrëveshjes për lëvizjen e lirë të njerëzve dhe automjeteve. Dy palët njoftojnë se zbatimi do të fillojë më 26 dhjetor, ashtu siç është paraparë. Qeveria e Serbisë të enjten aprovoi edhe rregulloren për mënyrën e kalimit të “pikave administrative”. E dialogu pritet të vazhdojë në mes të janarit.

Qytetarët e Kosovës dhe të Serbisë nga e hëna mund të lëvizin lirshëm në të dyja anët e kufirit vetëm me letërnjoftim.

Kjo është koha e paraparë për zbatimin e marrëveshjes së arritur në Bruksel mes Prishtinës dhe Beogradit për lëvizjen e lirë mes dy vendeve.

Përpos përgatitjeve të Kosovës, edhe pala serbe ka lëvizur në drejtim të krijimit të kushteve për zbatimin e konkluzioneve të arritura në Bruksel.

Kryenegociatorja Edita Tahiri ka thënë se gjithçka është gati për fillimin e zbatimit të marrëveshjes për lëvizjen e lirë.

“Janë bërë të gjitha përgatitjet, madje edhe në kuadër të dialogut janë konfirmuar të gjitha përgatitjet. Nga ana jonë si Kosovë jemi të gatshëm në të gjitha aspektet, përfshirë edhe sigurimin e automjeteve dhe kemi sinjale nga Z. Cooper se edhe pala serbe është në fazën finale”, ka thënë Tahiri për Express të enjten.

Shkrimin e plotë mund ta lexoni në Express...