Drejtori Pepa ka kerkuar mbledhjen e ilaceve nga rrethet
Qendra Spitalore Universitare "Nene Tereza" eshte drejt nje kolapsi, per sa i perket furnizimit me medikamente dhe u ka kerkuar grosisteve te barnave t'i furnizoje me ilace, kryesisht me antibiotike deri ne kryerjen e tendereve. Drejtori i QSUT-se ka deklaruar dje se barnat mungojne ende dhe gjendja po veshtiresohet edhe me tej. "I kam propozuar Ministrise se Shendetesise qe te gjitha barnat e spitaleve neper rrethe te grumbullohen ne QSUT, pasi ketu ka me shume nevoje", ka pohuar Pepa. Sipas tij, dje ka qene edhe afati i fundit per kryerjen e nje prej tendereve te rendesishem per blerjen e medikamenteve, por sipas procedurave kontratat lidhen ne muajin gusht. Kjo do te thote se kriza e ilaceve ne spitalet e vendit do te vazhdoje edhe per disa dite, derisa te levrohen fondet per blerjet emergjente te percaktuara nga Ministria e Shendetesise. Sipas nje vendimi te marre vetem gjate diteve te fundit, eshte percaktuar se procedurat e tendereve do te nisin me 16 qershor. Me hapjen e tenderit, subjektet farmaceutike sjellin ofertat, procedurat te cilat do te zgjasin te pakten 1 muaj. Me pas, Ministria e Shendetesise ka kohe 20 dite per te bere vleresimin dhe perzgjedhjen e tyre. Deri ne perfundimin e tij dhe blerjen e ilaceve, ministri Ndoka kerkoi qe drejtuesit te blejne medikamente me kontrata shtese dhe te administrohen nga vete spitalet. Kjo do te thote se per te pakten 50 dite qe nga hapja e procedurave tenderiale, spitalet do te vuajne perseri mungesen e medikamenteve. Kurse, sa i perket Qendres Spitalore me te madhe ne vend, asaj "Nene Tereza", situata do te jete e njejte ashtu si edhe gjate vitit te kaluar ku furnizimi me ilace u be gjate muajit shtator. E njejta periudhe perkon edhe per kete vit per sa i perket furnizimit te ketij spitali me barna. Te vetmet blerje, te cilet kane perfunduar ne kete spital qe ne fillim te vitit 2008 jane citostatiket per te semuret me kancer. Kurse sa u perket ilaceve te tjera, kjo qender gjendet per balle nje krize te madhe, e cila pritet te shpertheje pas tri javesh, kur te mbarojne edhe ato pak rezerva aktuale.