Droga per Greqi, dy ne pranga
Policia e Kakavijes zbuloi mbreme 10 kg lende narkotike e llojit "kanabis sativa", ndersa eshte arrestuar drejtuesi i automjetit dhe pasagjeri. Dhimo Koraj, 38 vjec, lindur dhe banues ne qytetin e Fierit, si dhe pasagjeri 30-vjecar Aristotel Selfo, lindur ne Gjirokaster dhe emigrant ne Greqi, u ndaluan per t'u marre ne pyetje ne komisariat. Burime zyrtare te policise se stacionit kufitar te Kakavijes, thane se rreth ores 16:00, ne automjetin tip "Skania", me targe FR 9789 B, me trajler SR 0492 B, gjate nje kontrolli fizik te zakonshem, u zbulua ne brendesi te gomes rezerve nje sasi prej 10 kg lende narkotike te llojit "kanabis sativa", e cila ndodhej e fshehur ne pjesen e pasme te automjetit te tonazhit te rende. Te njejtat burime thane mbreme se dy personat jane ndaluar, ne pritje te zbardhjes se ngjarjes, ndersa tre te tjere u shoqeruan oret e vona te mbremjes. Ne vendngjarje ka mberritur prokurori i Rrethit te Gjirokastres, Alfred Agolli, si dhe ekspertet e luftes kunder trafikimit te lendeve narkotike te Drejtorise se Policise se Qarkut Gjirokaster, te cilet kane filluar hetimet per te zbardhur dinamiken, autoret dhe destinacionin e lendes narkotike, e cila ishte duke kaluar kufirin shqiptaro-grek. "Pas veprimeve te para u konstatua se brenda gomes ishin 10 pako ne forme cilindrike te mbeshtjella me leter natriban me ngjyre kafe", thane burime zyrtare te policise.
B.K