Drogba mungon në Botëror
Ylli i Bregut të Fildishtë, Didier Drogba do të mungojë në Kampionatin botëror pas frakturës në dorën e djathtë gjatë ndeshjes miqësore kundër Japonisë, të premten.
“Ai tha se për të, Kampionati botëror ka përfunduar”, tha qendërmbrojtësi Kolo Toure.
32-vjeçari Drogba ishte bartur jashtë fushës pas 13 minutave lojë pas një ndërhyrjeje nga mbrojtësi japonez, Marcus Tulio Tanaka në fitoren 2-0 të Bregut të Fildishtë ndaj Japonisë. Ai ishte dërguar menjëherë në spital.
“Në fytyrën e tij shihej se sa ishte i mërzitur dhe kjo është e kuptueshme. Është vështirë për ne, sepse ai është futbollist jashtëzakonisht i rëndësishëm”, shtoi Toure.
Ndërsa, zëdhënësi i ekipit, Eric Kacou tha për agjencinë e lajmeve Associated Press se “bëhet fjalë për frakturë në dorën e djathtë”.
Drogba shënoi 29 gola në 32 ndeshje të Premierligës këtë sezon dhe i ndihmoi Chelseas të fitojë titullin.
Ndeshja e së premtes ishte miqësorja e fundit për Bregun e Fildishtë dhe Japoninë para nisjes në Afrikën e Jugut.
Bregu i Fildishtë gjendet në Grupin G së bashku me Brazilin, Portugalinë dhe Korenë e Veriut. Ndeshjen e parë e zhvillojnë më 15 qershor kundër Portugalisë në Port Elizabeth.
“Ai tha se për të, Kampionati botëror ka përfunduar”, tha qendërmbrojtësi Kolo Toure.
32-vjeçari Drogba ishte bartur jashtë fushës pas 13 minutave lojë pas një ndërhyrjeje nga mbrojtësi japonez, Marcus Tulio Tanaka në fitoren 2-0 të Bregut të Fildishtë ndaj Japonisë. Ai ishte dërguar menjëherë në spital.
“Në fytyrën e tij shihej se sa ishte i mërzitur dhe kjo është e kuptueshme. Është vështirë për ne, sepse ai është futbollist jashtëzakonisht i rëndësishëm”, shtoi Toure.
Ndërsa, zëdhënësi i ekipit, Eric Kacou tha për agjencinë e lajmeve Associated Press se “bëhet fjalë për frakturë në dorën e djathtë”.
Drogba shënoi 29 gola në 32 ndeshje të Premierligës këtë sezon dhe i ndihmoi Chelseas të fitojë titullin.
Ndeshja e së premtes ishte miqësorja e fundit për Bregun e Fildishtë dhe Japoninë para nisjes në Afrikën e Jugut.
Bregu i Fildishtë gjendet në Grupin G së bashku me Brazilin, Portugalinë dhe Korenë e Veriut. Ndeshjen e parë e zhvillojnë më 15 qershor kundër Portugalisë në Port Elizabeth.