Dunga: Ronaldo mund të kthehet në Kombëtare

"Ronaldo është një kampion bote dhe mund të kthehet në Kombëtare". Karlos Dunga, trajneri i Brazilit, nuk i mbyll portat e "selecaos" për Ronaldon. 32-vjeçari sulmues ka udhëhequr Korinthiansin drejt triumfit në kampionatin brazilian. Dunga ka asistuar të dielën në finalen e dytë, ku Timao ka barazuar 1-1 në shtëpinë e Santosit. Në ndeshjen e parë, Korinthians kishte fituar 3-1 në transfertë, me një dopjetë të Ronit. "Ronaldo ka luajtur mirë", ka thënë Dunga, por nuk ka sqaruar nëse Fenomeni do të thirret apo jo së shpejti në kombëtare.